Eks-prezident Brazilii Dyłma Rusief, jakaja pajšła ŭ adstaŭku paśla impičmientu letam 2016 hoda, zapatrabavała viarnuć joj pasadu kiraŭnika dziaržavy. Jak paviedamlaje Globo, patrabavańnie Rusief źviazana z kampramatam na ciapierašniaha prezidenta krainy Mišela Temiera.
Abarona Rusief źviarnułasia z zajavaj u Viarchoŭny sud krainy. U im advakat Rusief, Žaze Eduarda Kardoza, ukazvaje na toje, što kraina znachodzicca ŭ ciažkim palityčnym kryzisie. «Kraina znachodzicca ŭ vostrym palityčnym i instytucyjanalnym kryzisie niebyvałaha maštabu. Štodnia źjaŭlajecca ŭsio bolš dokazaŭ taho, što ciapierašni prezident krainy nielehitymny i nie moža vykonvać svaje abaviazacielstvy, - havorycca ŭ zajavie abarony Rusief. Advakat pakazvaje na toje, što svaju pasadu Temier zaniaŭ «nie paśla vybaraŭ, a ŭ vyniku impičmentu Rusief, biez zakonnych na toje padstavaŭ».
Prezident Brazilii Mišel Temier apynuŭsia ŭ centry palityčnaha skandału, paśla taho jak byŭ apublikavany zapis razmovy, na jakim, jak śćviardžajuć jaho palityčnyja praciŭniki, kiraŭnik krainy abmiarkoŭvaje podkup eks-śpikiera nižniaj pałaty parłamienta Eduarda Kuńji. Paśla hetaha hrupa deputataŭ zapatrabavała pačać praceduru impičmientu Temiera.
Kamientary