Na paradzie Pieramohi ŭ Maskvie prysutničaŭ prezident Małdovy Ihar Dadon, jon siadzieŭ na mierapryjemstvie pobač z kiraŭnikom Rasii Uładzimiram Pucinym. Prezident Małdovy naviedaŭ vajskovy parad 9 maja ŭpieršyniu za 15 hadoŭ.
Paśla zaviaršeńnia paradu kiraŭniki dźviuch dziaržaŭ uskłali vianok da Mahiły Nieviadomaha Sałdata la kramloŭskaj ściany, pieradaje «Interfaks». U 2016 hodzie va ŭračystaściach 9 maja ŭ Maskvie razam z Pucinym prymaŭ udzieł prezident Kazachstana Nursułtan Nazarbajeŭ.
Pra svoj namier uziać udzieł u mierapryjemstvach, pryśviečanych 72-j hadavinie Pieramohi, Dadon raspavioŭ «RIA Naviny» napiaredadni pryjezdu ŭ Maskvu. Jon paviedamiŭ, što akramia ŭdziełu va ŭračystych mierapryjemstvach 9 maja na nastupny dzień, 10 maja, jon sustreniecca sa staršynioj Dziaržaŭnaj dumy Rasii i «inšymi aficyjnymi asobami».
Dadon taksama adznačaŭ, što heta pieršy za apošnija 15 hadoŭ vizit prezidenta Małdovy ŭ Maskvu ŭ Dzień Pieramohi. «15 hadoŭ zapar prezidenty Małdovy admaŭlalisia naviedvać Maskvu 9 traŭnia. Ja vyrašyŭ, što heta važna », - skazaŭ Dadon.
Ihar Dadon staŭ prezidentam Małdovy ŭ listapadzie 2016 hoda. Jašče ŭ 2014 hodzie, kali jaho Partyja sacyjalistaŭ ŭdzielničała ŭ vybarach u parłamient, Dadon zaručyŭsia padtrymkaj Maskvy. Uznačaliŭšy krainu, Dadon nieadnarazova zajaŭlaŭ pra nieabchodnaść naładžvać adnosiny z Rasijaj. Tak, u lutym, sustrakajučysia sa staršynioj Savieta Jeŭropy Donaldam Tuskam, jon skazaŭ, što adnaŭleńnie adnosin z Maskvoj «žyćciova nieabchodna» dla Małdovy.
-
Novaja lidarka Vieniesueły pad kantrolem Biełaha doma praviała čystki va ŭładzie paśla źviaržeńnia Madura
-
«Čas pakłaści kaniec iranskaj mašynie zabojstvaŭ!». Tramp iznoŭ pryhraziŭ źniščyć jadziernyja abjekty Irana ŭ vypadku pravału pieramovaŭ u Pakistanie
-
Litoviec, jaki špijoniŭ na karyść režymu Łukašenki, padaŭ u sud na prezidenta Litvy, bo jaho nie abmianiali na biełaruskich palitviaźniaŭ
Kamientary