Ad 8 krasavika ŭ šapikach «Biełsajuzdruku» možna nabyć niezaležnuju hazietu «Novy čas». Pakul heta tyčycca Minska i minskaha rehijona. Taksama jość mahčymaść aformić padpisku na druhoje paŭhodździe.
Voś što z hetaj nahody raskazała presavaj słužbie Biełaruskaj asacyjacyi žurnalistaŭ redaktarka vydańnia Aksana Kołb. Jana kaža, što pieršy numar, jaki pojdzie ŭ šapiki, maje № 13, ale ŭ redakcyi spadziajucca, što jon budzie ščaślivym:
«Usie numary ciapier asablivyja, bo my raspaviadajem pra burlivyja padziei, što adbyvajucca ŭ krainie. U hetym numary jość cikavy materyjał — pačatak sieryi artykułaŭ pra represavanych asobaŭ, jakich nichto takimi nie ličyŭ. Hetych ludziej vysyłali biez terminu, zvyčajna za ekanamičnyja złačynstvy. Abapirajemsia na archiŭnyja źviestki, nidzie pra heta jašče nie pisali. Ja ŭdziačnaja čytačam, jakija padtrymlivali nas usie hetyja hady, i spadziajusia, što jany zastanucca z nami, buduć pytacca pra hazetu ŭ šapikach, nabyvać jaje».
Sioleta ŭ lutym hałoŭny redaktar «Narodnaj Voli» Iosif Siaredzič sustrakaŭsia z Alaksandram Łukašenkam i pieradaŭ jamu śpis vydańniaŭ, jakija nie mohuć trapić u dziaržaŭnuju sietku raspaŭsiudu. Łukašenka paabiacaŭ vyrašyć prablemu ź lehalizacyjaj niedziaržaŭnych ŚMI.
Tyja, chto źviarnuŭsia ŭ dziaržaŭnyja sistemy raspaŭsiudu, sapraŭdy ŭpieršyniu za šmat hadoŭ atrymali stanoŭčyja adkazy. Na hetym tydni viarnulisia ŭ šapiki «Hazieta Słonimskaja», «Novy Čas», «Intex-press» i «Barysaŭskija naviny».
Bolšaść zhadanych vydańniaŭ, a taksama «Svobodnyje novosti plus» i «Volnaje Hłybokaje», znachodziacca na etapie ŭzhadnieńnia dla ŭklučeńnia ŭ padpisny katałoh «Biełpošty» na druhoje paŭhodździe.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary