Zatrymanaha pa spravie «Biełaha lehijona» Siarhieja Barstka mohuć vypuścić užo zaŭtra
Žonka Siarhieja Barstka Alaksandra sa spasyłka na advakata paviedamiła «Našaj Nivie», što 29 sakavika buduć prachodzić śledčyja mierapryjemstvy, paśla jakich stanie jasna, ci zatrymanaha adpuściać, ci praciahnuć znachodžańnie ŭ źniavoleńni.
Siarhiej Barstok źjaŭlajecca adnym z zatrymanych 21 sakavika pa tak zvanaj «spravie «Biełaha lehijona». Jamu 34 hady. Barstok vučyŭsia na elektramantažnika. Aficyjna apošnim časam nie pracavaŭ, dapamahaŭ z ramontam babuli žonki. Raniej pracavaŭ budaŭnikom.
«Kab ža choć kudyści chadziŭ… My byli ŭ šoku padčas pieratrusu, usio heta było absalutna niečakana. Skazaŭ, kali doŭha jaho nie budzie, znajści Ninu Šydłoŭskuju. Ja była bolš-mienš spakojnaja, bo dumała, što heta tryźnieńnie. Kali ranicaj nastupnaha dnia pračnułasia, pračytała naviny, to žachnułasia», — raskazvaje Alaksandra Barstok.
U pary jość małaja dačka — 1 hod i 4 miesiacy.
«Ja viedaju, što jon byŭ zatrymany na Płoščy, ci to ŭ 2006, ci ŭ 2010 hadach. My žanatyja treci hod, tamu ja navat da kanca nie viedaju hetuju historyju… Jon dobra viedaŭ Mirasłava Łazoŭskaha, chacia daŭno ŭžo nie stasavaŭsia ź im. Doma padčas pieratrusu dla čahości zabrali binokl, vielmi dobry, jašče majki — ź simvałam čornaje sonca. Naturalna, što zabrali ćviordyja dyski, fłeški, składnyja nažy», — praciahvaje Alaksandra.
Kamientary