Mužčyna spačatku paskardziŭsia ŭ DAI na parušalnika parkoŭki, zatym — prabiŭ mašynie ŭsie koły
Žychar Homiela aburyŭsia tym, jak kala adnaho z damoŭ pa vulicy Pieniaźkova była pryparkavanaja Honda Civic. Mužčyna spačatku patelefanavaŭ u DAI, a zatym — prabiŭ u aŭtamabili ŭsie koły. Pra heta paviedamili va UUS Homielskaje vobłaści.
28-hadovy mužčyna, jaki adznačaŭ hadavinu svajho viasiella, aburyŭsia tym, jak była pryparkavanaja Honda Civic z rasijskimi rehistracyjnymi znakami. Jon patelefanavaŭ u DAI. Inśpiektary, što prybyli na miesca vykliku, ustanavali haspadara mašyny, skłali na jaho administracyjny pratakoł i paprasili pieraparkavać aŭtamabil zhodna z PDR.
— Zdavałasia, spraviadlivaść pieramahła. Adnak hamialčanin, viarnuŭšysia ŭ kvateru, paličyŭ, što «vychavaŭčy» efiekt atrymaŭsia niejkim małaznačnym i vyrašyŭ jaho ŭzmacnić. U 21.30 jon vyjšaŭ na dvor i adviortkaj prakałoŭ usie čatyry koły Honda, — skazali ŭ milicyi.
Haspadar aŭtamabila (žychar susiedniaha padjezda, jaki niadaŭna nabyŭ aŭtamabil u RF) na nastupny dzień źviarnuŭsia z zajavami ŭ RAUS. Milicyjanty apieratyŭna vyśvietlili asobu chulihana. U dačynieńni da mužčyny zaviali kryminalnuju spravu pa č. 1 art. 339 KK Biełarusi (Chulihanstva).
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki5
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary