Piać tysiač jeŭra za «Paranoju». Niamiecki pierakładčyk atrymaŭ premiju za knihu biełaruskaha piśmieńnika
Niamiecki pierakładčyk Tomas Vajler atrymaŭ prestyžnuju premiju Štreleniera. Uznaharoda dastałasia jamu za pierakład z ruskaj na niamieckuju movu ramana Viktara Marcinoviča «Paranoja».
Pierakładčyckaja premija Štreleniera zasnavanaja ŭ 2001 hodzie kulturnym fondam NRW. Heta adna z samych prestyžnych litaraturnych premij Hiermanii dla pierakładčykaŭ. Za pierakład «Paranoi» Tomas Vajnier atrymaŭ nie hałoŭny pryz, a admysłovy padarunak sponsaraŭ. Jaho materyjalny ekvivalent — 5 tysiač jeŭra.
Jak raspavioŭ TUT.BY Viktar Marcinovič, Tomas Vajler śpiecyjalizujecca na biełaruskaj litaratury. Akramia «Paranoja» jon pierakłaŭ na niamieckuju movu «Movu» — jašče adzin raman Marcinoviča, jaki aŭtar 6 krasavika budzie prezientavać u Ciurychu, ese taho ž Marcinoviča dla haziety «Die Zeit», raman Alhierda Bachareviča «Saroka na šybienicy», vieršy Uładzimira Arłova, Alesia Razanava, Viery Burłak i inšych biełaruskich aŭtaraŭ.
Sam Viktar Marcinovič vysoka acaniŭ pieramohu Tomasa Vajlera.
— Paśla raspadu SSSR uschodnieniamieckija VNU spynili rychtavać pierakładčykaŭ z byłych movaŭ Sajuzu. Usio trymajecca na čystym entuzijaźmie adzinak, jakim pry hetym udajecca papularyzavać našuju nacyjanalnuju litaraturu. Tomasu daviałosia pracavać z sapraŭdy składanymi bimoŭnymi tekstami (naprykład, z ramanam «Mova»). Ja vielmi rady za jaho.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary