Ahulnaja praciahłaść płatnych učastkaŭ składzie kala 2,5— 3 tysiač kilametraŭ. U ich liku, da prykładu, mohuć apynucca ŭčastki aŭtamabilnaj darohi ŭ kirunku Połack — Viciebsk i dalej u Rasieju.
Kolkaść płatnych aŭtamabilnych daroh u Biełarusi moža pavialičycca, paviedamiŭ siońnia na presavaj kanferencyi načalnik adździełu raźvićcia darožnaj sietki departamentu «Biełaŭtadar» Uładzimier Mardziłovič.
Ź jahonych słoŭ, razhladajecca pytańnie pra mahčymaść spahaniańnia z aŭtamabilistaŭ płaty za prajezd pa niekatorych učastkach asnoŭnych tranzytnych aŭtamabilnych daroh. Ahulnaja praciahłaść takich učastkaŭ składzie kala 2,5— 3 tysiač kilametraŭ.
«U ich liku, da prykładu, mohuć apynucca ŭčastki aŭtamabilnaj darohi ŭ kirunku Połack — Viciebsk i dalej u Rasieju», prainfarmavaŭ specyjalist.
«Biełaŭtadar skončyŭ afarmleńnie technika‑ekanamičnaha abhruntavańnia hetaha mahčymaha novaŭviadzieńnia. Najbližejšym časam jano budzie nakiravana na razhlad va ŭrad. U im vykładzieny perspektyvy mahčymaha ŭviadzieńnia płaty, a taksama mechanizm jaje spahnańnia.
«Takija mechanizmy, da prykładu, dziejničajuć u Niamieččynie j Čechii, adnak metodyka zboru płaty ŭ hetych krainach roznaja, — skazaŭ Uładzimier Mardziłovič. — My ŭvažliva vyvučym jaje».
«Chutčej za ŭsie, aŭtamabili pavinny buduć prajaždžać cieraz specyjalnyja ŭstanoŭki ź ličylnikami, a praces propusku ich na płatny aŭtaŭčastak darohi budzie aŭtamatyzavany, — adznačyŭ specyjalist. — Na takich učastkach nia budzie šlahbaŭmaŭ i persanału dla spahaniańnia płaty z aŭtamabilistaŭ».
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary