Pra heta namieśnik premjer-ministra Vasil Žarko zajaviŭ na kalehii Ministerstva kultury Biełarusi ŭ Babrujsku, paviedamlaje BIEŁTA.
«Ciapier u 16 rajonach jość jurydyčnyja asoby — unitarnyja pradpryjemstvy kinavideaprakatu, u jakich pracujuć pa 5-6 čałaviek, i tolki ŭ čatyroch rajonach takija pradpryjemstvy ŭvachodziać u skład kłubnych arhanizacyj», — kanstatavaŭ vice-premjer.
Jon pryvioŭ u prykład dośvied Minska i Minskaj vobłaści, dzie pracujuć dźvie sfarmavanyja kinaprakatnyja arhanizacyi, i rekamiendavaŭ vykarystoŭvać jaho inšym pradpryjemstvam.
Vasil Žarko taksama zakranuŭ pytańnie rekanstrukcyi Nacyjanalnaj kinastudyi «Biełaruśfilm».
«Hety abjekt pavinien stać dla ŭsich adkaznych za jaho asob abjektam numar adzin, a rekanstrukcyju nieabchodna zaviaršyć va ŭstanoŭleny termin — da 7 listapada», — padkreśliŭ jon.
Vice-premjer raskrytykavaŭ padychody ŭ arhanizacyi rekanstrukcyi, kali ŭ pieršuju čarhu budavałasia aŭtabaza, a potym vytvorčyja korpusy.
«Ciapier nieabchodna likvidavać usie niedachopy, i potym zajmacca tvorčaściu, kab stvarać brend krainy — biełaruskaje kino», — padsumavaŭ jon.
Kamientary