Jak stała viadoma «Našaj Nivie», Kamitet dziaržaŭnaj biaśpieki źniaŭ pretenzii da kampanii «Trajpł», jaje kiraŭnika Juryja Čyža, a taksama siamji biznesmiena.
Naprykład, «Trajpł» atrymaŭ mahčymaść raspradavać svabodnyja kvatery ŭ tak zvanym «domie Čyža» na vulicy Staražoŭskaj, 6 u Minsku. Taksama źniaty aryšt z usioj nieruchomaści Čyža, u tym liku z doma ŭ Drazdach, a taksama rezidencyi ŭ katedžnym pasiołku Łahožask pad Łahojskam.
Nahadajem, Juryj Čyž byŭ zatrymany siłavikami 11 sakavika 2016 hoda. Praź niekalki dzion KDB vynies pastanovu ab nakładańni aryštu na majomaść, jakaja naležała jamu i jaho siamji.
Paśla byli aryštavanyja dziasiatki kvater u «Domie Čyža», u tym liku žyllo treniera frystajlistaŭ Mikałaja Kazieki
Pa słovach staršyni KDB Valeryja Vakulčyka, suma strataŭ u adnosinach biznesmiena składała 240 miljardaŭ niedenaminavanych hrošaj (kala $12 miljonaŭ u ekvivalencie).
Letam 2016 hoda hipiermarkiety «Prastor», jakimi vałodaŭ Čyž, adyšli pad zakład bankam.
Kamientary