Žančyna ŭ Minsku zalezła sa ściaham na kran, patrabujučy spraviadlivaj kampiensacyi za znos doma FOTA, VIDEA
Pa słovach jaje syna Kanstancina, maci zalezła na kran jašče viečaram u paniadziełak. Žančyna znachodziłasia na kranie, zajaŭlajučy, što złazić nie źbirajecca. Unizie dziažuryli supracoŭniki MNS. Paśla doŭhich pieramovaŭ i zapeŭnivańniaŭ staršyni Minharvykankama, što znos budzie adkładzieny, jana spuściłasia.
Ad ranicy pad kranam znachodzilisia ratavalniki, što razharnuli nadzimanuju kanstrukcyju. Prybyło kiraŭnictva rajona i načalnik HUUS Minharvykankama Alaksandr Barsukoŭ. Jon paabiacaŭ Halinie Kanstancinaŭnie, što hatovy, kali jana spuścicca, asabista advieźci jaje na pieramovy sa staršynioj Minharvykankama Andrejem Šorcam.
«Ja nie viedaju, na jakich umovach jana hatovaja spuścicca, — skazaŭ syn Kanstancin. — Jana tajemna ŭsio rychtavała. Učora skazała, što ŭ jaje jość dva płany. Ale nichto nie dumaŭ, što siarod ich moža być taki».
Halina Ihnatovič patrabuje spraviadlivaj kampiensacyi za znos svajho doma ŭ Ržaŭcy, pahražajučy saskočyć uniz.
Ranicaj niaviestka Śviatłana pasprabavała ŭhavaryć Halinu spuścicca, dabrałasia da siaredziny vyšyni krana, ale Halina pryhraziła, što saskočyć uniz — i Śviatłanie daviałosia spuścicca.
U 10.45 da presy vyjšaŭ druhi syn Haliny Ihnatovič, Alaksiej. Jon paviedamiŭ: baćka, Ivan Ihnatavič, z Kanstancinam, jaho žonkaj i načalnikam minskaj milicyi Barsukovym jeduć na pieramovy da Andreja Šorca. Jany chočuć damahčysia harantyj, što siońnia nie budzie ni prymusovaha vysialeńnia, ni znosu doma. Što im dazvolać abskardzić rašeńnie suda pieršaj instancyi, pa jakim ich vysialajuć u haradskim sudzie i, kali spatrebicca, u Viarchoŭnym.
U 11.10 usie viarnulisia. Na naradzie ŭ Šorca, pa słovach Śviatłany, niaviestki Haliny Kanstancinaŭny, prakuror horada pieranios znos na 6 lutaha.
Samoj Halinie Kanstaŭcinaŭnie stała drenna. Da jaje padnialisia dva ratavalniki i dva miedyki. U 11:20 Halina Ihnatovič pavoli z padstrachoŭkaj spuściłasia. Paśla taho jak jaje ahledzieli daktary, žančynu špitalizavali ź pieraachaładžeńniem.
U liście, jaki napisała Halina Ihnatovič, havorycca pra toje, što siońnia jaje ź siamjoj vysialajuć u prymusovym paradku pa rašeńni suda: «Hetaje žyllo — adzinaje, jakoje mnie pierajšło ŭ spadčynu ad baćkoŭ. Inšaha ja svaim dzieciam nie zmahła pabudavać».
Vyraznych patrabavańniaŭ u liście nie prapisana.
Da hetaha Ihnatovičam tłumačyli: u domie na 116 kvadratnych mietrach prapisanyja Halina, dva jaje syny z žonkami i dziećmi, były muž z novaj žonkaj. Usiaho prapisana 11 čałaviek. Siamja nastojvaje na kampiensacyi ŭ vyhladzie dźviuch kvater dla synoŭ i hrašovaj kampiensacyi dla Haliny i jaje byłoha muža. Pavodle rašeńnia suda, im vydzielili try kvatery.
Siłaviki pra zatrymańnie Chlastova: Budzie doma paśla adbyćcia pakarańnia2222
Siłaviki pra zatrymańnie Chlastova: Budzie doma paśla adbyćcia pakarańnia22
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina2727
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina27
Homielskaha taksista asudzili da kałonii pa troch palityčnych artykułach22
Homielskaha taksista asudzili da kałonii pa troch palityčnych artykułach2
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času20
Kamientary