SK: Žančyna, jakaja paviesiłasia ŭ Rahačovie, pry žyćci nie atrymlivała paviedamleńnia ab padatku «na darmajedstva»
Rahačoŭski rajonny adździeł Śledčaha kamiteta pravioŭ pravierku pa fakcie śmierci žycharki Rahačova 1962 hoda naradžeńnia, padčas jakoj nie ŭstanaviŭ danych, jakija śviedčać pra daviadzieńnie kim-niebudź žančyny da samahubstva. Pra heta paviedamiła aficyjny pradstaŭnik upraŭleńnia SK pa Homielskaj vobłaści Maryja Kryvanohava.
Jana paviedamiła, što 3 listapada ŭładalnik pryvatnaha doma znajšoŭ na vierandzie ŭ paviešanym stanie biez prykmiet žyćcia svaju siastru. Pra heta mužčyna nieadkładna paviedamiŭ pravaachoŭnikam. Šerah internet-resursaŭ napisali, što jana pakončyła z saboj paśla atrymańnia lista z padatkovaj z patrabavańniem apłacić zbor na finansavańnie dziaržaŭnych vydatkaŭ.
Padčas pravierki Rahačoŭskim RASK ustanoŭlena, što žančyna pražyvała adna ŭ byłoj baćkoŭskaj chacie. Muž pamierłaj pajšoŭ z žyćcia niekalki hadoŭ tamu, dačka pracuje ŭ Rasijskaj Fiederacyi, syn adbyvaje pakarańnie ŭ miescach pazbaŭleńnia voli.
Kala dvuch hadoŭ žycharka rajcentra nidzie nie pracavała, u adździeł zaniataści nasielnictva ŭpraŭleńnia pa pracy, zaniatasci i sacyjalnaj abaronie rajvykankama dla rehistracyi ŭ jakaści biespracoŭnaha nie źviartałasia.
Apytanyja svajaki i znajomyja rastłumačyli, što žančyna doŭhi čas złoŭžyvała śpirtnym, niekalki razoŭ kadziravałasia ad ałkaholnaj zaležnaści, nieadnarazova vykazvała namier učynić samahubstva.
Zhodna z zaklučeńniem sudova-miedycynskaj ekśpiertyzy, śmierć žančyny nastupiła ŭ vyniku zdušvańnia šyi piatloj pry paviešańni. U kryvi pamierłaj znojdzieny etyłavy śpirt u kolkaści 2,3 pramile.
Rahačoŭskim RASK ustanoŭlena, što śmierć žančyny nastupiła ŭ vyniku samahubstva. Pryčynaj suicydu staŭ depresiŭny stan, abvostrany złoŭžyvańniem śpirtnymi napojami.
Infarmacyja, raźmieščanaja na adnym z rehijanalnych internet-resursaŭ, ab tym, što siarod pryčyn samahubstva žycharki Rahačova — atrymańnie paviedamleńnia z padatkovych orhanaŭ, nie adpaviadaje rečaisnaści, zajavili śledčyja. «Dakładna ŭstanoŭlena, što pry žyćci žančyna nie atrymlivała paviedamleńnia ab vypłacie zboru na finansavańnie dziaržaŭnych vydatkaŭ za 2015 hod», — padkreślivaje USK pa Homielskaj vobłaści.
Kamientary