Ad Rahniedy da Kaściuški. Vychodzić pieršaja ilustravanaja historyja Biełarusi dla dziaciej i padletkaŭ
Piśmieńnik Uładzimir Arłoŭ i mastak Pavieł Tatarnikaŭ skončyli pracu nad knihaj «Ajčyna: malaŭničaja historyja. Ad Rahniedy da Kaściuški».
Jak raskazaŭ biźniesmien Pavieł Bierahovič, jaki vystupiŭ fundataram vydańnia, Pavieł Tatarnikaŭ pracavaŭ nad knihaj šeść hadoŭ, Uładzimir Arłoŭ — čatyry. Kali paraŭnoŭvać ź inšymi knihami Arłova, to možna skazać, što heta «Kraina Biełaruś» dla dziaciej i padletkaŭ.
«Miarkuju, kniha takoha mastackaha ŭzroŭniu — siarod unikalnych ŭ śviecie, nie havoračy pra Biełaruś», — kaža Bierahovič. Kniha vychodzić u dźviuch častkach i achoplivaje historyju našaj krainy ad źjaŭleńnia na joj staražytnaha čałavieka da adnaŭleńnia biełaruskaj niezaležnaści na pačatku 1990-ch hadoŭ. Pieršaja kniha skančvajecca paŭstańniem Tadevuša Kaściuški 1794 hoda, paśla paražeńnia jakoha Biełaruś była ŭklučana ŭ skład Rasijskaj impieryi. Jak paviedamiŭ Bierahovič, ciapier idzie praca nad druhoj častkaj.
Kniha maje vialiki farmat (21,8 na 29 sm), 223 staronki, ćviorduju vokładku. Pakul jaje možna zamović praz błoh žurnalista Hleba Łabadzienki. Košt adnoj knihi składzie 45 rubloŭ (pry samavyvazie ŭ Minsku), 50 rubloŭ (z paštovaj dastaŭkaj pa Biełarusi). U vypadku zamovy padpisčyki atrymajuć knihu ŭžo da kanca studzienia. Jak paviedamiŭ Bierahovič, mahčyma, u hety čas kniha źjavicca ŭ kniharniach, ale chutčej za ŭsio budzie tam kaštavać daražej.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary