Pamiežniki Litvy admovili biełarusu va ŭjeździe ŭ krainu — na aŭtamabili mužčyny mielisia nalepki z savieckaj simvolikaj. Zdymać ich biełarus admoviŭsia, tamu pryjšłosia viartacca na radzimu. Padrabiaznaści paviedamlaje Dziaržaŭnaja pamiežnaja słužba Litvy.
U paniadziełak, 9 studzienia, pry prachodžańni miažy byŭ spynieny aŭtamabil Peugeot 405, jakim kiravaŭ 21-hadovy biełarus. Uvahu pamiežnikaŭ pryciahnuli nalepki z savieckaj simvolikaj na zadnim škle mašyny.
U pryvatnaści, adbitak čyrvonaj zorki i siarpa z mołatam. Zhodna z zakanadaŭstvam Litvy, tam zabaronienaja publičnaja demanstracyja savieckaj i nacysckaj simvoliki.
U mužčyny była mahčymaść praciahnuć padarožža pieššu abo źniać nalepku, ale kiroŭca admoviŭsia i viarnuŭsia nazad.
Kodeksam ab administracyjnych parušeńniach Litvy za demanstracyju abo raspaŭsiud nacysckaj ci kamunistyčnaj simvoliki, inšych znakaŭ abo formy praduhledžany štraf u pamiery ad 150 da 300 jeŭra.
U hetym vypadku mužčyna paźbieh vypłaty štrafu, bo faktyčna nie byŭ dapuščany na terytoryju Litvy.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary