Памежнікі Літвы адмовілі беларусу ва ўездзе ў краіну — на аўтамабілі мужчыны меліся налепкі з савецкай сімволікай. Здымаць іх беларус адмовіўся, таму прыйшлося вяртацца на радзіму. Падрабязнасці паведамляе Дзяржаўная памежная служба Літвы.
У панядзелак, 9 студзеня, пры праходжанні мяжы быў спынены аўтамабіль Peugeot 405, якім кіраваў 21-гадовы беларус. Увагу памежнікаў прыцягнулі налепкі з савецкай сімволікай на заднім шкле машыны.
У прыватнасці, адбітак чырвонай зоркі і сярпа з молатам. Згодна з заканадаўствам Літвы, там забароненая публічная дэманстрацыя савецкай і нацысцкай сімволікі.
У мужчыны была магчымасць працягнуць падарожжа пешшу або зняць налепку, але кіроўца адмовіўся і вярнуўся назад.
Кодэксам аб адміністрацыйных парушэннях Літвы за дэманстрацыю або распаўсюд нацысцкай ці камуністычнай сімволікі, іншых знакаў або формы прадугледжаны штраф у памеры ад 150 да 300 еўра.
У гэтым выпадку мужчына пазбег выплаты штрафу, бо фактычна не быў дапушчаны на тэрыторыю Літвы.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары