Siabra kansultatyŭnaj rady Mižnarodnaha fondu abarony žyvioł (IFAW), aktrysa Pameła Andersan i nie vyklučaje mahčymaści zvarotu za atrymańniem rasijskaha hramadzianstva, piša Interfaks.
«Ja lublu Rasiju, mnie padabajecca pryjazdžać siudy, ja adčuvaju jednaść z ruskaj kulturaj. U mianie jość kanadski i amierykanski pašpart, čamu b nie atrymać i rasijski pašpart?» — skazała Andersan na pres-kanfierencyi.
Jana adznačyła, što maje ruskija karani praz dalokich svajakoŭ pa maci.
Pameła Andersan nie pieršaja z zamiežnikaŭ, chto byŭ nie suprać atrymać rasijski pašpart. Raniej šerah rasijskich ŚMI paviedamili sa spasyłkaj na artysta Alaksandra Revu, u čyim klipie źniałasia aktrysa Arneła Muci, što jana źbirajecca atrymać rasijskaje hramadzianstva. Pres-sakratar prezidenta RF Dźmitryj Piaskoŭ, adnak, potym paviedamiŭ, što Kreml nie atrymlivaŭ zvarot Muci ab hramadzianstvie RF.
3 listapada stała viadoma pra rašeńnie prezidenta RF Uładzimira Pucina dać rasijskaje hramadzianstva amierykanskamu akcioru Styvienu Sihału.
Raniej hramadzianstva RF było pradastaŭlena francuzskamu akcioru teatra i kino Žeraru Depardźje, adpaviedny ŭkaz Pucin padpisaŭ 3 studzienia 2013 hoda.
Akramia taho, 12 vieraśnia 2015 hoda rasijski pašpart atrymaŭ amierykaniec, čempijon śvietu, lehienda suśvietnaha boksa Roj Džons-małodšy.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary