Łukašenka: Biełaruskaja ekanomika źjaŭlajecca adnoj z samych adkrytych u śviecie
Biełaruskaja ekanomika źjaŭlajecca adnoj z samych adkrytych u śviecie. Ab hetym Alaksandr Łukašenka zajaviŭ 13 śniežnia na cyrymonii ŭručeńnia davierčych hramat pasłami zamiežnych krain, paviedamlaje BiełTA.
— Biełaruskaja ekanomika źjaŭlajecca adnoj z samych adkrytych u śviecie. Siońnia razam z pryniaćciem mier, nakiravanych na aktyvizacyju biźniesu, my pahłyblajem mižnarodnyja handlova-ekanamičnyja suviazi, - skazaŭ kiraŭnik krainy.
Jon adznačyŭ, što Biełaruś źjaŭlajecca adnoj ź dziaržaŭ — zasnavalnikaŭ Jeŭrazijskaha ekanamičnaha sajuza, jaki ŭžo praz dva hady paśla stvareńnia uvajšoŭ u lik najbujniejšych intehracyjnych abjadnańniaŭ Jeŭrazii.
— Pierakanany, što, raźvivajučy ekanamičnyja adnosiny ź Biełaruśsiu, vy acenicie sapraŭdy biaźmiežnyja pierśpiektyvy, jakija vynikajuć z mahčymaści dostupu na ahulny rynak JEAES, - zajaviŭ biełaruski lidar.
Łukašenka pryniaŭ davierčyja hramaty ad pasłoŭ Burkina-Faso, Indaniezii, Kanady, Litvy, Luksiemburha, Manholii, Finlandyi, Francyi, Erytrei, Estonii, Apostalskaha nuncyja ŭ Biełarusi.
Kamientary