U Hanie vyjavili «ambasadu ZŠA», jakoj na samaj spravie kiravali złačyncy. Tym nie mienš, jana na praciahu 10 hadoŭ vydavała sapraŭdnyja amierykanskija vizy. A jašče — padroblenyja vizy i inšyja dakumienty. «Mieduza» raspaviadaje pra toje, jak pracavała «ambasada» i jak jaje začynili.
Štotydzień u paniadziełak, aŭtorak i piatnicu nad ružovym dvuchpaviarchovym budynkam u stalicy Hany, horadzie Akra, vyviešvali amierykanski ściah. Uvajšoŭšy ŭ pamiaškańnie, naviedvalnik bačyŭ fatahrafiju prezidenta ZŠA Baraka Abamy ŭ ramcy. U hetym budynku na praciahu dziesiaci hadoŭ raźmiaščałasia «ambasada ZŠA», jakaja vydavała amierykanskija vizy. Praŭda, Amieryka nijakaha dačynieńnia da jaje nie mieła. Ciapierašniaja ambasada ZŠA ŭ Hanie vyhladaje pa-inšamu.
Tym nie mienš, vizy ŭ hetym budynku vydavali samyja sapraŭdnyja. Jak zajavili ŭ Dziaržaŭnym departamencie ZŠA, błanki dla viz złačyncy atrymlivali praz karumpavanych čynoŭnikaŭ. Praŭda, farmuloŭki ŭ pres-relizie Dziarždepu davoli raspłyvistyja — niezrazumieła, chto mienavita davaŭ błanki złačyncam.
«Ambasadaj ZŠA» kiravali hanskija i tureckija złačyncy. Naviedvalnikaŭ prymali hramadzianie Turcyi, jakija ŭmieli havaryć na anhlijskaj i hałandskaj movach. Ale z vulicy ŭ «ambasadu» trapić było nielha — zamiest hetaha jaje pasłuhi rekłamavali pa ŭsioj Hanie, a taksama ŭ susiednich krainach. Zacikaŭlenych klijentaŭ pryvozili ŭ stalicu, sialili ŭ haścinicu, a potym advozili ŭ «ambasadu».
Złačyncy vydavali «atrymanyja padmannym šlacham» sapraŭdnyja amierykanskija vizy, padroblenyja vizy i dakumienty (naprykład, ab adukacyi i paśviedčańni ab naradžeńni). Dziarždepartament nazyvaje canu pasłuh — šeść tysiač dalaraŭ; ale što ŭ jaje ŭvachodziła, nie ŭdakładniaje.
Palicyjanty ŭ chodzie apieracyi vyjavili kramu adzieńnia, u jakoj znachodzilisia pryłady dla sšyvańnia pašpartoŭ. Kali jaje abšukvali, advakat — adzin z členaŭ hrupoŭki — schłusiŭ palicyjantam, što ciapier im nielha tudy ŭvachodzić, bo krama zhadvajecca ŭ sudovaj spravie. Dziakujučy hetym pryładam udałosia vyvieźci za miežy Akry.
Pry pieratrusach palicyjanty vyjavili 150 pašpartoŭ dziesiaci roznych krain, sapraŭdnyja i padroblenyja vizy dla ŭjezdu ŭ Štaty, a taksama padroblenyja vizy dla ŭjezdu ŭ Šenhienskuju zonu, Indyju i Paŭdniovuju Afryku. U chodzie apieracyi niekalki złačyncaŭ byli zatrymanyja. Niekalki ciapier znachodziacca ŭ biehach.
«Ambasada ZŠA» była vyjaŭlenaja letam 2016 hoda. Akramia taho, akazałasia, što ŭ Akry jość i niesapraŭdnaja ambasada Niderłandaŭ.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary