AAT «Avijakampanija» Biełavija «nie płanuje zapuskać u Biełarusi ŭnutranyja avijarejsy. Pra heta paviedamiŭ pieršy namieśnik hienieralnaha dyrektara avijakampanii Hleb Parchamovič, piša BiełTA.
Hleb Parchamovič adznačyŭ, što «Biełavija» nie maje namieru zajmacca małoj avijacyjaj, tamu što nie bačyć u hetym sensu. Jon źviarnuŭ uvahu na toje, što ŭ krainie dobra raźvityja sietka aŭtamabilnych daroh, čyhunačnyja znosiny, tamu čakać značnaha pasažyrapatoku ŭ pieravozkach pa pavietry nie davodzicca. Adnak «Biełavija» imkniecca zachoplivać rehijony ŭ mižnarodnych pieravozkach: samalot ź Minska pryziamlajecca ŭ jakim-niebudź abłasnym centry, zabiraje pasažyraŭ i lacić za miažu.
Pry hetym Hleb Parchamovič adznačyŭ, što avijakampanija pastajanna vyvučaje rynak i aceńvaje mahčymaści pasažyraŭ, kab uvodzić novyja rejsy i pavialičvać častatu na ŭžo adkrytych kirunkach. «Nahadaju, letaś źjavilisia rejsy ŭ Lvoŭ, Pałanhu, padmaskoŭny aeraport Žukoŭski. U płanach na budučy hod — pačatak palotaŭ u Brusiel i adnaŭleńnie — u Jerevan», — padkreśliŭ jon.
Namieśnik hiendyrektara «Biełavija» rastłumačyŭ, što avijakampanija maje namier pavialičyć častatu rejsaŭ u Pałanhu ŭ siezon (z adnaho razu ŭ dziesiać dzion da dvuch razoŭ na tydzień), a taksama ŭžo da kanca hoda — u Žukoŭski.
Hleb Parchamovič taksama paviedamiŭ, što za apošnija dva hady taryfy avijakampanii źnizilisia prykładna na 20%.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj20
Kamientary