Pracu kamandnaha punkta rasijskich Rakietnych vojsk stratehičnaha pryznačeńnia (RVSP) źniaŭ padčas pres-tura i vykłaŭ u sieciva błohier gosh100.
Na videa z vučebnaha centra RVSP bačny trenažor u vyhladzie staroha kamandnaha punkta, jaki kiruje zapuskam mižkantynientalnych balistyčnych rakiet UR-100N (kłasifikacyja NATA — SS-19 mod.1 Stiletto). Hetyja rakiety šachtnaha bazavańnia byli raspracavanyja ŭ kancy 1960-ch, a ciapier zdymajucca z uzbrajeńnia.
Vaha kožnaj rakiety — bolš za 100 ton. Dalokaść palotu — da 10.000 km. Rakieta niasie 6 bojehałovak, mahutnaść kožnaj — 550 kiłaton.
Na videa bačnaja častka padrychtoŭki da strełu, potym sa słovami «Uvaha — pusk!» aficer pavaročvaje kluč, addajučy apošniuju kamandu.
Adnak praces pusku rakiety — sprava nie adnoj siekundy — i jašče da ich vychadu z šachtaŭ atrymana paviedamleńnie pra mahčymy ŭdar praciŭnika. Kab zastacca na pracoŭnych miescach i zachavać bajazdolnaść, aficery pryšpilvajucca ramianiami da kresłaŭ.
Tolki paśla hetaha rakiety pakidajuć puskavyja šachty, pra što aficer paviedamlaje pa telefonie kamandziru.
Apieracyi adpracoŭvajucca da aŭtamatyzmu — vajskoŭcam prosta niama času zadumacca pra nastupstvy ich dziejańniaŭ.
Prykładna tak moža pačacca i praź niekalki hadzin skončycca atamnaja vajna na Ziamli. A razam ź joj i čałaviectva jak takoje.
Ciapier čytajuć
Łukašenka zajaviŭ pra hatoŭnaść pryjechać u Kijeŭ11
Kamientary