Viadučy prahramy «Vriemia pokažiet» na rasijskim «Pieršym kanale» Arciom Šejnin padčas efiru zajaviŭ ab tym, što zabivaŭ ludziej.
U tok-šou ŭdzielniki abmiarkoŭvali zabojstva bajevika «DNR» Arsiena «Mataroły» Paŭłava. Pamiž śpikierami paŭstała sprečka. Režysior Ryhor Amnuel zajaviŭ, što Paŭłaŭ vinavaty ŭ śmierci ludziej i tamu nie varty nasić zvańnie hieroja, jakim jaho demanstrujuć u rasijskich ŚMI.
U adkaz viadučy zajaviŭ, što taksama zabivaŭ, ale heta nie zaminaje jamu razmaŭlać ź inšymi ludźmi. «Ja zabivaŭ, dalej što? Vy ž siadzicie, sa mnoj razmaŭlajecie. I dla mnohich ludziej ja całkam sabie lehitymny», — rastłumačyŭ jon.
Šejnin vajavaŭ u Afhanistanie z 1984 pa 1986 hod, i staŭ aŭtaram šerahu knih i filmaŭ pra heta.
Na videa zajava hučyć na 1 chvilinie 41 siekundzie.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj15
Kamientary