Stadyjon «Łakamatyŭ» adkryŭsia ŭ Minsku paśla rekanstrukcyi, paviedamili ŭ Biełaruskaj fiederacyi futboła.
Abnoŭleny kompleks u Kastryčnickim rajonie stalicy raniej znachodziŭsia ŭ padparadkavańni Biełaruskaj čyhunki, a letaś byŭ pieradadzieny Biełaruskamu dziaržaŭnamu piedahahičnamu univiersitetu imia M.Tanka — ciapier jon stanie spartyŭnaj bazaj dla studentaŭ hetaj VNU. Aktyŭnyja ramontnyja raboty pačalisia viasnoj biahučaha hoda. Pry niepasrednym udziele Biełaruskaha dziaržaŭnaha ŭniviersiteta fizičnaj kultury zrobleny ramont trybun i padtrybunnych pamiaškańniaŭ. Pry dapamozie asacyjacyi «Biełaruskaja fiederacyja futboła» zamiest naturalnaha vykładzieny štučny hazon koštam 180 tysiač jeŭra.
Jak adznačyŭ staršynia Biełaruskaj fiederacyi futboła Siarhiej Rumas padčas adkryćcia «Łakamatyva», jon uvažliva sočyć i za kapitalnym ramontam inšaha znakavaha spartyŭnaha abjekta stalicy. «Arhanizacyja raboty na stadyjonie «Dynama» Minharvykankamam pastaŭlenaja takim čynam, što možna ŭpeŭniena skazać: da kanca 2017 hoda kompleks budzie ŭviedzieny ŭ stroj», — adznačyŭ Siarhiej Rumas.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary