Minsk, kłub Re:Public (vuł. Prytyckaha, 62 (st.m. Kuncaŭščyna)). Pačatak: 17.30.
Fiestyval «Rok za žyćcio», prymierkavany da Suśvietnaha dnia baraćby suprać śmiarotnaha pakarańnia, projdzie ŭ Minsku. 8 kastryčnika na scenu kłuba Re:Public vyjduć biełaruskija hurty «Daj darohu!», Re1ikt, «Mutnajevoka», :B:N:, Sciana i «Tłušč», kab padtrymać uviadzieńnie maratoryja na vyšejšuju mieru ŭ Biełarusi.
Suśvietny dzień baraćby suprać śmiarotnaha pakarańnia adznačajecca 10 kastryčnika. Jon zasnavany Suśvietnaj kaalicyjaj suprać śmiarotnaha pakarańnia — abjadnańniem prafsajuzaŭ, miascovych i rehijanalnych orhanaŭ ułady, jurydyčnych asacyjacyj, a taksama pravaabarončych arhanizacyj z metaj paŭsiudnaj zabarony na hety vid vyšejšaj miery pakarańnia. Prychilniki ruchu vystupajuć suprać śmiarotnaha pakarańnia va ŭsich vypadkach biez vyklučeńnia, niezaležna ad charaktaru złačynstva, charaktarystyk złačyncy i sposabu, jakim dziaržava pazbaŭlaje žyćcia asudžanaha. Śmiarotnaje pakarańnie parušaje prava na žyćcio, abvieščanaje ŭ Suśvietnaj dekłaracyi pravoŭ čałavieka.
Biełaruś dahetul zastajecca adzinaj jeŭrapiejskaj krainaj, jakaja prymianiaje śmiarotnaje pakarańnie. Pavodle źviestak pravaabaroncaŭ, za apošnija dvaccać hadoŭ u krainie pakarana bolš za 400 čałaviek.
5 kastryčnika raspačynajecca tradycyjny Tydzień suprać śmiarotnaha pakarańnia, mierapryjemstvy jakoha buduć prachodzić pad słohanam «Śmiarotnaje pakarańnie — niezvarotnaje».
Kvitki na kancert 8 kastryčnika buduć kaštavać 5 rubloŭ — tancpoł, 10 rubloŭ — miesca za stolikam, u dzień kancerta 10 — tancpoł, 15 — stoliki. Nabyć kvitki možna ŭ kasach i na sajcie biletnaha apieratara Kvitki.by.
Daviedki: +375 29 121 22 96.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary