5 hadoŭ pazbaŭleńnia voli ŭ kałonii ŭzmocnienaha režymu.
Taki prysud sud Frunzienskaha rajona siońnia vynies Anatolu Hrynkieviču, jaki ŭ červieni ŭdaryŭ bitaj piešachoda na vulicy Prytyckaha ŭ Minsku. Akramia hetaha, jon pavinien budzie vypłacić paciarpiełamu 10 tysiač rubloŭ maralnaj kampiensacyi.
Sud pryznaŭ Anatola Hrynkieviča vinavatym u asabliva złosnym chulihanstvie (č. 3 art. 339 KK). Maksimalny termin pa hetym artykule — 10 hadoŭ pazbaŭleńnia voli. Na minułym tydni prakuror zaprasiła dla jaho 7 hadoŭ kałonii ŭzmocnienaha režymu. A paciarpieły 17-hadovy fatohraf Vasil Dziemidovič — 50 tysiač rubloŭ (kala 25 tysiač dalaraŭ) za maralnuju škodu.
Prakuror paličyła, što ŭ abvinavačanaha nie było pryčyn parušać zakon, i tamu jaho ŭčynku niama apraŭdańnia.
Abvinavačany pryznaŭ svaju vinu. I jaho advakat prasiŭ dla padabaronnaha pakarańnie, nie źviazanaje z pazbaŭleńniem voli.
Vystupajučy z apošnim słovam Anatol Hrynkievič vybačyŭsia pierad paciarpiełym i źviarnuŭsia da suda z prośbaj «nie pazbaŭlać jaho dziciaci baćki, a žonku — muža».
— Heta samaje darahoje, što ŭ mianie jość. I ja nie za siabie chvalujusia. A za toje, jak jany buduć stolki času biez majoj maralnaj i finansavaj padtrymki. Siamja budzie raskołataj. Prašu stroha mianie nie karać, — skazaŭ Anatol Hrynkievič.
Nahadajem, 19 červienia na vieładarožcy na vulicy Prytyckaha Anatol Hrynkievič udaryŭ bitaj pa hałavie piešachoda - 17 hadovaha fatohrafa Vasila Dziemidoviča.
- Heta byŭ udar adčaju, na emocyjach, u vychavaŭčych metach, - adznačyŭ na sudzie abvinavačany.
Jon patłumačyŭ, što śpiašaŭsia damoŭ, kab zrabić ukoł ciažarnaj žoncy.
Prakuror pabudavała svajo abvinavačańnie na pakazańniach śviedki, jakoha paciarpiełyja pryviali ŭ sud u apošnim dzień pracesu. Jon raspavioŭ, što jašče ŭ mai Anatol Hrynkievič «vučyŭ jaho jeździć» na rovary. Kanflikt adbyŭsia kala miesiaca tamu na minskim praśpiekcie Mašerava. I tady ŭ abvinavačanaha taksama z saboj była bita.
Tym nie mienš advakat abvinavačanaha paprasiŭ sud pryznać pakazańni Tułača niepraŭdzivymi i nadumanymi, a spasyłki prakurora na jaho słovy - niedapuščalnymi.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna4
Kamientary