Z pačatku hoda biełarusy pradali na 160 młn dalaraŭ bolš, čym kupili
Biełarusy ŭ žniŭni pradali rekordny ŭ hetym hodzie abjom valuty najaŭnymi: 670,4 młn dalaraŭ, što na 16% bolš za lipień. Cikavaść da nabyćcia valuty taksama vyrasła — na 19,6% u paraŭnańni ź minułym miesiacam da 351,1 młn dalaraŭ najaŭnymi. Heta nie pieraškodziła pierabić lipieński rekord pa abjomie čystaha prodažu najaŭnaj valuty - 319,3 młn dalaraŭ.
Z pačatku hoda biełarusy pradali na čystaj asnovie ŭžo 1,5 młrd dalaraŭ u ekvivalencie.
U studzieni—žniŭni biełarusy kupili 3,868 młrd dalaraŭ zamiežnaj valuty (z ulikam bieznajaŭnaj), pradaŭšy 4,037 młrd.
Subjekty haspadarańnia — rezidenty Biełarusi za vosiem miesiacaŭ kupili zamiežnaj valuty na 10,497 młrd dalaraŭ, pradali — na 10,438 młrd.
Pakul tendencyi, ahučanyja Nacbankam, całkam paćviardžajucca: u nasielnictva pry źnižeńni ŭzroŭniu dachodaŭ zachoŭvajecca zvyčka da spažyvańnia, jakaja padaje mienš, čym dachody, heta značyć traciacca źbieražeńni.
Jak raspavioŭ načalnik hałoŭnaha ŭpraŭleńnia manietarnaj palityki i ekanamičnaha analizu Nacbanka Dźmitryj Muryn, žadańnie patracić źbieražeńni źviazana mienavita z patrebaj zachavać uzrovień spažyvańnia, a nie ź niedavieram bankaŭskaj sistemie.
U pryvatnaści, nasielnictva zdaje ŭ miesiac prykładna 200 młn dalaraŭ (u lipieni—žniŭni navat bolš), a z depazitaŭ zdymaje tolki kala 100 młn.
«Heta značyć jašče 100 młn dalaraŭ nasielnictva dastaje z-pad matracaŭ, jak u nas kažuć», — skazaŭ pradstaŭnik Nacbanka. Jon paskardziŭsia, što ŭ adroźnieńnie ad hramadzian pradpryjemstvy nie źjaŭlajucca stabilnymi pradaŭcami valuty.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary