Palityk pierakanany, što vybaraŭ (u pryvatnaści parlamenckich, jakija projduć 11 vieraśnia) niama, bo «nichto ŭžo nia ŭmieje ličyć hałasy».
Lider BSDP («Narodnaja hramada») Mikałaj Statkievič, kandydat u prezydenty na vybarach 2010 hodu, raźmiaściŭ na Facebook zaklik vyjści na Kastryčnickuju płošču ŭ Miensku 12 vieraśnia a 18-j hadzinie na akcyju «Patrabujem sapraŭdnych vybaraŭ».
Uzhadniać akcyju z uładami Statkievič nie źbirajecca. Jon tłumačyć Svabodzie: ułady ŭžo daŭno dazvalajuć tolki niekalki štohadovych akcyjaŭ, jakija pravodziacca daloka ad centru horadu.
«Ale ŭ adpaviednaści z Kanstytucyjaj biełarusy majuć prava na publičnyja akcyi. A ŭ adpaviednaści z pryniataj u našaj častcy śvietu praktykaj ja źbirajusia piśmova papiaredzić ułady ab namiery pravieści hetuju akcyju», — kaža Statkievič.
Akcyja ŭ dzień prezydenckich vybaraŭ 2015 hodu była niešmatludnaj. Ci nie baicca Statkievič, što na akcyju, pryśviečanuju parlamenckim vybaram, pryjdzie zusim mała ludziej?
«Ja pravodziŭ takuju akcyju, «Šeście nacyjanalnaha ściaha», padčas prezydenckaj kampanii za dzień da hałasavańnia. Na piku hetaja akcyja dasiahała niekalkich tysiač čałaviek, — zhadvaje palityk. — Toje, što na nastupny dzień ludziej nie było, dyk ich nichto nie paklikaŭ. Kandydaty nia klikali, jany zadavolilisia svaim vynikam. Mabyć, takich kandydataŭ padabrali, jakija nia klikali b. Peŭnyja hrupy ludziej vyjšli, ale ja b nia staŭ nazyvać heta arhanizavanaj akcyjaj, jana była bolš stychijnaja».
Statkievič upeŭnieny, što vybaraŭ u Biełarusi pa-raniejšamu niama, što zamiest vybaraŭ pravodzicca rytuał pryznačeńnia deputataŭ, u jakim pieramožcy viadomyja jašče ŭ momant pryznačeńnia ŭčastkovych kamisijaŭ.
«Mašyna imitacyi vybaraŭ, mašyna, jakaja nia ličyć hałasy, a prosta robić karcinku, što nibyta ličyć, jana niekranutaja, — kaža jon. — Jany ŭžo nia ŭmiejuć ličyć hałasy. Navat kali b uładzie spatrebiłasia apazycyja ci «typu apazycyja» ŭ parlamencie, pryjšłosia b davać kamandu falsyfikavać niejkija ličby dla hetych personaŭ.
Havorka nie idzie pra falsyfikacyju vybaraŭ, a idzie pra toje, što vybaraŭ niama. A z hetym treba niešta rabić. Inšaha mechanizmu ŭździejańnia na sytuacyju ŭ hramadztva, akramia publičnych masavych akcyjaŭ, nie zastałosia.
Nie, jość jašče peŭnyja… metady… Ale heta pakul nia našy metady».
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki8
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary