Alaksandr Łukašenka dazvolić tureckamu inviestaru nabyć stratny Vaŭkavyski zavod dachavych i budaŭniča-adździełačnych mašyn (DBAM) u rasterminoŭku na 5 hadoŭ pry ŭmovie naviadzieńnia tut idealnaha paradku za dva hady. Pra heta išła havorka padčas naviedvańnia kiraŭnikom dziaržavy hetaha pradpryjemstva.
Naviedvańnie hetaha prablemnaha pradpryjemstva nie było praduhledžana prahramaj rabočaj pajezdki ŭ Hrodzienskuju vobłaść. Rašeńnie ab tym, što Alaksandr Łukašenka pabyvaje na zavodzie DBAM, było pryniata adrazu ž pa vynikach narady ŭ Vaŭkavyskim rajvykankamie.
Zavod znachodzicca ŭ žałasnym stanie. Hatoŭnaść kupić pradpryjemstva vykazaŭ turecki inviestar, jaki ciapier častkova tut pracuje.
«Kali my damaŭlajemsia, što vy za dva hady pryviedziacie tut usio ŭ paradak, pastavicie vysokatechnałahičnaje abstalavańnie i pačniecie vyrablać ekspartna aryjentavanuju pradukcyju, to vam budzie dadziena piacihadovaja adterminoŭka», — adznačyŭ kiraŭnik dziaržavy. Pry hetym jon padkreśliŭ, što padtrymlivać novaŭviadzieńni i dapamahać inviestaru buduć kiraŭnictva rajona i vobłaści. Alaksandr Łukašenka daručyŭ staršyni KDK Leanidu Anfimavu kuryravać realizacyju hetaha prajekta.
«Kali my chočam pracavać ź inviestaram, našych ryzyk tut niama. Kali nie vykanaje ŭmovy — vierniem sabie pradpryjemstva i budziem pracavać», — skazaŭ Łukašenka.
Turecki inviestar prysutničaje pry naviedvańni pradpryjemstva i paabiacaŭ, što praz dva hady prezident zmoža ŭbačyć tut sučasnuju vysokatechnałahičnuju vytvorčaść.
Kiraŭnik dziaržavy padkreśliŭ, što Biełaruś daŭno pracuje z tureckimi partniorami, u asnoŭnym u budaŭnictvie, pakolki ŭ krainie stvorany dobryja ŭmovy dla inviestaraŭ.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary