U Baku ŭpieršyniu prajšoŭ samit prezidentaŭ Azierbajdžana, Irana i Rasii. Źjaŭleńnie novaha farmatu abumoŭlena składanaj situacyjaj u rehijonie, patłumačyli prezidenty.
Trochbakovy samit prezidentaŭ Azierbajdžana, Irana i Rasii prajšoŭ upieršyniu. U lutym pravieści jaho prapanavaŭ prezident Azierbajdžana Ilcham Alijeŭ. U Maskvie inicyjatyvu padtrymali. Alijeŭ sustrakaŭ haściej u sučasnym Centry mastactvaŭ imia svajho baćki Hiejdara Alijeva, pabudavanym pa prajekcie viadomaj architektarki Zachi Chadydy.
«Usie dziaržavy sutykajucca z padobnymi prablemami: hłabalny ekanamičny kryzis, napružańnie ŭ značnaj stupieni prysutničaje na našych miežach», — zajaviŭ na pasiedžańni Uładzimir Pucin. U hetych umovach Rasija ŭ hetym farmacie ličyć nieabchodnym uzmacnić abmien infarmacyjaj ab dziejnaści terarystyčnych arhanizacyj, kab efiektyŭna adsočvać trafik zbroi i terarystaŭ, zajaviŭ Pucin.
«Ni adna kraina nie moža ŭ adzinočku supraćstajać ciapierašnim vyklikam», — byŭ salidarny prezident Irana Chasan Ruchani. Jon padkreśliŭ, što novy farmat supracoŭnictva nie nakiravany «suprać inšaj dziaržavy, a stvaraje ramki dla rehijanalnaha supracoŭnictva našych dziaržaŭ».
Krainy damovilisia pahłyblać supracoŭnictva ŭ supraćdziejańni teraryzmu i ekstremizmu, a taksama raźvivać ekanamičnaje supracoŭnictva, u tym liku padtrymali abjadnańnie elektraenierhietyčnych sietak.
Novy farmat adkryvaje mahčymaść supracoŭnictva ŭ šyrokim śpiektry abłaściej: ad palityčnaj kaardynacyi da abmierkavańnia kankretnych prajektaŭ z akcentam na transpart i enierhietyku, raspavioŭ na pres-kanfierencyi ministr zamiežnych spraŭ Siarhiej Łaŭroŭ.
«U hłabalnym maštabie vielmi važnaja sustreča prajšła», — nie paskupiŭsia na pachvału azierbajdžanski ministr zamiežnych spraŭ Elmar Mamiedźjaraŭ. Nastupnaja sustreča adbudziecca praz hod u Iranie, a da hetaha baki damovilisia na praciahu hoda praciahvać kansultacyi na ŭzroŭni viedamstvaŭ, pravieści trochbakovaje pasiedžańnie kiraŭnikoŭ mižuradavych kamisij.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary