Možna skazać, što za «kamunałku» nie zapłacili bolš za 440 tysiač siemjaŭ.
«Pačynajučy z krasavika rezka pačała raści praterminavanaja zapazyčanaść nasielnictva za žyllova-kamunalnyja pasłuhi, jakaja pa stanie na 1 lipienia skłała 111 miljardaŭ rubloŭ. Heta šmat», — raspavioŭ pieršy namieśnik ministra žyllova-kamunalnaj haspadarki Aleh Paskrobka na kalehii viedamstva, pieradaje karespandent BiełTA.
Kali pierakłaści hetuju sumu na žyroŭki ŭ typavych dvupakajoŭkach, to atrymlivajecca, što za «kamunałku» nie zapłacili bolš za 440 tys. siemjaŭ.
Adznačym, što praterminavanaja zapazyčanaść vystaŭlajecca, tolki kali žychary nie płaciać pa žyroŭcy dva miesiacy.
Pavodle pieršaha namieśnika ministra ŽKH, dola praterminavanaj zapazyčanaści mocna vahajecca ŭ zaležnaści ad rehijona. Naprykład, u Bresckaj vobłaści, jana adna z samych nizkich — 14,2%. A voś u Minsku i Viciebskaj vobłaści — 29% i 24,4% adpaviedna.
U niepłacielščykaŭ za daŭhi mohuć adklučyć pasłuhi ŽKH, a asabliva złosnych — i zusim vysialajuć. Naprykład, u sudach stalicy razhladajecca 10 spraŭ ab vysialeńni žycharoŭ — niepłacielščykaŭ za kamunalnyja pasłuhi. Svajoj čarhi čakajuć jašče 367 pazovaŭ.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary