Siońnia sud Vaŭkavyskaha rajona razhledzić administracyjnuju spravu ŭ dačynieńni da palitviaźnia Mikałaja Aŭtuchoviča, jaki, pavodle milicejskaha pratakoła, abvinavačvajecca ŭ ździajśnieńni drobnaha chulihanstva.
Na pačatku traŭnia supracoŭniki Vaŭkavyskaj milicyi vyklikali Mikałaja Aŭtuchoviča ŭ pastarunak, dzie prapanavali jamu aznajomicca z pratakołam ab administracyjnym pravaparušeńni, pavodle jakoha palitviazień abvinavačvaŭsia ŭ ździajśnieńni bojki.
Mikałaj Aŭtuchovič ad detalnaha aznajamleńnia z dakumientam admoviŭsia, paznačyŭšy pry hetym, što pratakoł składzieny pazazakonna. Na jaho dumku, zachady milicyjantaŭ nosiać pravakacyjny charaktar i nakiravanyja na toje, kab nie dać jamu mahčymaści na ŭmoŭna-daterminovaje vyzvaleńnie.
- Nijakaj bojki ja nie ździajśniaŭ i nie prymaŭ u joj udziełu. Toje, što supracoŭniki pravaachoŭnych orhanaŭ skłali pratakoł ab pravaparušeńni, śviedčyć, na moj pohlad, ab niežadańni milicyjantaŭ daterminova mianie vyzvalać.
Ciapierašnim časam Mikałaj Aŭtuchovič adbyvaje termin źniavoleńnia biez nakiravańnia ŭ śpiecyjalnyja ŭstanovy z abaviazkovym pryciahnieńniem da pracy. Kožny dzień jaho pavodziny kantralujucca supracoŭnikami milicyi, bo z 19-j hadziny viečara da 6.00 adbyvajučy pakarańnie hramadzianin pavinien znachodzicca doma. Kali Mikałaj Aŭtuchovič nie trapić pad umoŭna-daterminovaje vyzvaleńnie, to termin abmiežavańnia voli ŭ jaho skončycca ŭ lipieni 2009 hoda.
Pačatak suda, pa papiarednich dadzienych, u 11.30.
Kamientary