Kolkaść nasielnictva Minska pa stanie na 1 lipienia 2016 hoda skłała 1 młn. 964,2 tys. čałaviek, što na 4,4 tys. Bolš u paraŭnańni z pačatkam biahučaha hoda, paviedamiła hałoŭnaje statystyčnaje ŭpraŭleńnie stalicy.
U studzieni—červieni 2016 hoda ŭ stalicy naradziłasia 10.904 dziciaci, na 16 bolš u paraŭnańni sa studzieniem—červieniem 2015 hoda. Pamierła 8.758 čałaviek, mienš u paraŭnańni z anałahičnym pieryjadam 2015 hoda na 34 (na 0,4%). Naturalny pryrost skłaŭ 2.146 čałaviek, na 50 (na 2,4%) bolš, čym u studzieni—červieni 2015 hoda.
U pieršyja šeść miesiacaŭ 2016 hoda zarehistravany 6.191 šlubny sajuz, aficyjna skasavali šlub 3.779 siem`iaŭ.
Nahadajem, temu pieranasielenaści Minska ŭ čarhovy raz zakranuŭ Alaksandr Łukašenka, vystupajučy 22 červienia na piatym Usiebiełaruskim narodnym schodzie.
«Nam treba raŭnamiernaje raźmierkavańnie pradukcyjnaści pa krainie, — skazaŭ Łukašenka. — Nielha ŭsio ciahnuć u Minsk. My ŭžo siońnia ŭ hadziny pik nie možam pierasoŭvacca pa transpartnych arteryjach Minska. My, jak i ŭsie krainy vakoł i ŭ śviecie, možam dapuścić najciažkuju i niepapraŭnuju pamyłku, kali pałova nasielnictva žyvie ŭ stalicy i vakolicach. I ŭ vyniku narod, jaki žyvie ŭ stalicy i vakolicach, zadychajecca. Vam heta treba? Nie. I minčanam tym bolš».
Kamientary