Milicyja prapanuje źmianić zakanadaŭstva ab abmiežavańni handlu ałkaholem, paviedamiŭ siońnia žurnalistam načalnik upraŭleńnia prafiłaktyki hałoŭnaha ŭpraŭleńnia achovy pravaparadku i prafiłaktyki Ministerstva ŭnutranych spraŭ Aleh Karaziej.
«Para vyrašyć pytańnie ab abmiežavańni času realizacyi ałkaholnaj pradukcyi. Tamu što jość i kruhłasutačnyja kramy, i kramy, jakija pracujuć da hadziny nočy. Złačynstvy ździajśniajucca ŭ bolš poźni čas. Ludziam nie chapaje śpirtnoha, i jany iduć u načnuju kramu, a potym ich ciahnie na pryhody. Źnižeńniu kolkaści złačynstvaŭ spryjała b abmiežavańnie handlu ałkaholem z 22.00 da 9.00, — skazaŭ Aleh Karaziej. — Było b pravilna vyrašyć pytańnie ab realizacyi ałkaholnaj pradukcyi ŭ śpiecyjalizavanych kramach ci chacia b śpiecyjalnych adździełach, kab śpirtnyja napoi nie stajali ŭ adnym šerahu z tavarami pieršaj nieabchodnaści».
Z pačatku hoda ŭ stanie ałkaholnaha apjanieńnia ździejśniena 165 zabojstvaŭ, 273 pryčynieńni ciažkich cialesnych paškodžańniaŭ, 37 zhvałtavańniaŭ, 516 rabavańniaŭ i 81 razboj, 176 zhonaŭ i 960 chulihanstvaŭ.
Prablemaj zastajucca DTZ, jakija ździajśniajucca pjanymi kiroŭcami. «Sioleta 136 DTZ, u jakich zahinuli 32 čałavieki, učynienyja pa vinie kiroŭcaŭ, jakija znachodzilisia ŭ stanie ałkaholnaha apjanieńnia. Amal 12 tysiač čałaviek pryciahnuta da administracyjnaj adkaznaści za kiravańnie transpartnym srodkam u stanie apjanieńnia. Bolš za ŭsio takich avaryj zarehistravana ŭ Viciebskaj, Minskaj, Bresckaj i Homielskaj abłaściach», — padkreśliŭ Aleh Karaziej.
U svaju čarhu staršy inžynier-inśpiektar upraŭleńnia nahladu i prafiłaktyki MNS Biełarusi Dzianis Žukoŭski adznačyŭ: «Pa vinie niećviarozych hramadzian sioleta adbyłosia ŭžo 110 pažaraŭ (51,6% ad ahulnaj kolkaści). Ale ŭ cełym za apošnija piać hadoŭ źnižajecca kolkaść zdareńniaŭ pa vinie asob pad uździejańniem ałkaholnaha apjanieńnia».
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki5
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary