Alaksandr Łukašenka padpisaŭ pryniaty Pałataj pradstaŭnikoŭ i ŭchvaleny Savietam Respubliki Nacyjanalnaha schodu Kodeks Respubliki Biełaruś ab kultury, paviedamlaje pres-słužba prezidenta.
Adznačajecca, što Kodeks ab kultury raspracavany ŭpieršyniu i «nie maje anałahaŭ na postsavieckaj prastory». Jon hruntujecca na dziejnych normach zakonaŭ ab kultury, biblijatečnaj spravie, narodnym mastactvie i narodnych promysłach, tvorčych sajuzach i tvorčych rabotnikach, kiniematahrafii, muziejach i muziejnym fondzie, achovie historyka-kulturnaj spadčyny.
Kodeks praduhledžvaje stvareńnie na bazie isnych pravavych instytutaŭ adzinaha miechanizma rehulavańnia adnosin u śfiery kultury i adnačasovaje ŭchileńnie najaŭnych niedachopaŭ pravavoha rehulavańnia ŭ hetaj śfiery, zabiaśpiečvaje skaračeńnie pravavych aktaŭ pa pytańniach kultury i ich ŭparadkavańnie.
«U metach zachavańnia kulturnych kaštoŭnaściaŭ, raźvićcia arhanizacyj kultury i zabieśpiačeńnia ahulnadastupnaści kulturnych dabrot kodeksam ŭstaloŭvajucca pravavyja, arhanizacyjnyja, ekanamičnyja i sacyjalnyja asnovy kulturnaj dziejnaści i rehulujucca pravaadnosiny ŭ nastupnych śfierach: zachavańnie i raźvićcio kulturnych kaštoŭnaściaŭ, achova historyka-kulturnaj i archieałahičnaha spadčyny; biblijatečnaja i muziejnaja sprava; kiniematahrafičnaja dziejnaść; narodnyja mastackija ramiostvy, dziejnaść kalektyvaŭ mastackaj samadziejnaści; praviadzieńnie kulturnych mierapryjemstvaŭ, arhanizacyja kulturnaha adpačynku nasielnictva; zaachvočvańnia ŭ śfiery kultury», — adznačaje pres-słužba.
Jak paviedamlałasia raniej, kodeks składajecca z ahulnaj i śpiecyjalnaj častak, piaci raździełaŭ i 257 artykułaŭ. Dakumient praduhledžvaje supracoŭnictva dziaržaŭnych orhanaŭ z kamiercyjnymi arhanizacyjami i indyvidualnymi pradprymalnikami, a taksama pavialičvaje rolu hramadskaści ŭ vyrašeńni pytańniaŭ kultury. U pryvatnaści praduhledžanaje stvareńnie pry dziaržorhanach hramadskich naziralnych kamisij pa achovie historyka-kulturnaj spadčyny, hramadskich savietaŭ, kamisij i inšych kansultacyjnych orhanaŭ i ekśpiertnych farmiravańniaŭ pa pytańniach kultury.
Sponsary i miecenaty kultury ŭ adpaviednaści z kodeksam uklučanyja ŭ koła subjektaŭ kulturnaj dziejnaści. Tvorčym sajuzam dajucca pravy ažyćciaŭlać biez stvareńnia kamiercyjnych arhanizacyj i ŭdziełu ŭ ich dziejnaść pa vytvorčaści filmaŭ i televizijnych prahram, tvorčuju dziejnaść i zabavy, a taksama dziejnaść pa realizacyi adukacyjnaj prahramy navučalnych kursaŭ i adukacyjnaj prahramy ŭdaskanaleńnia mahčymaściaŭ i zdolnaściaŭ asoby.
Dakumientam zamacavanaja abaviazkovaść pieradačy ŭ dziaržułasnaść prafiesijna i vypadkova znojdzienych archieałahičnych artefaktaŭ. Kodeks ŭtrymlivaje zabaronu hramadzianskaha abarotu archieałahičnych artefaktaŭ na terytoryi Biełarusi, za vyklučeńniem ich nabyćcia, prodažu, dareńnia, mieny dziaržaŭnymi muziejami i navukovymi arhanizacyjami.
Akramia taho, spraščajecca paradak pryniaćcia niekatorych kiraŭnickich rašeńniaŭ pry ažyćciaŭleńni muziejnaj, biblijatečnaj dziejnaści i achovy historyka-kulturnaj spadčyny.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki10
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary