Žurnalisty «NN» praviali ŭ Viciebsku na fiestyvali čatyry dni, i voś toje, što kinułasia im u vočy.
My zahadzia zabraniravali pakoj u internacie miedycynskaha ŭniviersitetu, ale za sutki nam paviedamili, što ŭsie miescy addaduć moładzi BRSM. Tak my apynulisia na vulicy.
Znajści kvateru ci hatel było ŭžo niemahčyma, tolki pa nierealnych koštach. Zastavałasia brać kvitok da Minsku i viartacca. Adnak dapamoh chłopiec z kulturnaha partała vitebsk4.me, jaki zabraŭ nas da siabie.
U pieršy dzień pryjechaŭ kiraŭnik dziaržavy. Źvieźli siłavikoŭ ci nie z usioj krainy, praviali repietycyju prajezdu prezidenckaha kartežu. Darečy, dziela hetaha horad pierakryvali niekalki razoŭ. Kab patrapić u amfiteatr, treba było prajści try pasty dahladaŭ.
Dachodziła da absurdu: u prybiralniu možna było vyjści tolki z pašpartam, bo viartajučysia ciabie znoŭ praviarali.
Pierad pačatkam kancertu da nas padyšoŭ mužčyna ŭ formie prezidenckaj achovy i papiaredziŭ, što zabaroniena rabić rezkija ruchi, abaročvacca z kamieraj da łoža, dzie siadzić kiraŭnik dziaržavy. Ale i žadańnia nie było, bo na dachu susiedniaha budynka siadzieŭ snajpier. Pamiž saboj achoŭniki nazyvali amfiteatr «režymnaj zonaj».
Łukašenka sa sceny uznaharodziŭ dziejačaŭ kultury i navat pažartavaŭ:
Biezumoŭna, adkryćcio prajšło idealna. Vidavočna, rychtavalisia da pryjezdu Łukašenki.
Inšyja dni ŭžo nie byli takimi «hładkimi». Bolš za ŭsio rezała vucha fanahrama. Atrymoŭvajecca, słuchačy zapłacili tolki za toje, kab pahladzieć na lubimych śpievakoŭ. Asabliva zaŭvažnaj fanahrama była padčas vystupu choru rasijskaj armii: huk išoŭ z kałonak, nie sa sceny, chacia mikrafonaŭ pobač nie było.
Šmat ludziej stajała pobač z amfiteatram. Darečy, jon zrobleny tak, kab vakoł było niemahčyma padhledzieć, što tam adbyvajecca. Jak vyśvietliłasia paźniej, ludzi čakali salut. Jon sapraŭdy byŭ pryhožy, ale doŭžyŭsia 30 siekund.
Kali Łukašenka źjechaŭ, i ludziej u štackim stała ŭtraja mienš, napružanaść spała. U horadzie źjavilisia vuličnyja muzyki, teatry, handlary, rycarskija kłuby pravodzili majstar-kłasy. Narod tančyŭ paŭsiul.
Ludzi samaarhanizavalisia. Muzyki, jakija hrali paasobku, praz paŭhadziny ŭžo hrali razam: chtości na hitary, chtości na bubnach ci skrypcy. Vakoł ich źbiralisia sotni słuchačoŭ za ličanyja chviliny.
Nie było takoha miesca ŭ horadzie, dzie b ničoha nie adbyvałasia. Kožny moh abrać sabie zabavu pa intaresach: ci pasłuchać muzyku, ci pahladzieć teatralnaje pradstaŭleńnie, ci trapić na ekskursiju pa słavutaściach Viciebska.
Biezumoŭna, u horadzie byli ruskija. Ich ciažka było nie zaŭvažyć, bo bolšaść imknułasia siabie adznačyć u natoŭpie.
Šmat chto imknuŭsia paznačyć siabie biełarusam: vyšyvankaj, vyšymajkaj ci sakołkaj z «Pahoniaj».
Ale ž nie moža być tak, kab biez trešu.
Niekatoryja rečy pieradać słovami niemahčyma, tamu hladzicie videa z vulic Viciebsku padčas «Słavianskaha bazaru»:
BRSM vykarystaŭ śviata ŭ horadzie dla praviadzieńnia Dnia moładzi. Baskietboł, skiejtbordy, KVZ, vyšyvanki i prapahanda zdarovaha ładu žyćcia — arhanizatary prosta akupavali horad. I, kaniečnie, fiškaj Dnia moładzi była zabarona na nabyćcio ałkaholu. Ale nie ŭsiaho. U kramach paviesili admysłovyja tablički.
Pra kancerty
Biełaruskija i rasijskija zorki śpiavali pad fanahramu. Vyklučeńniem byli kankursanty i francuzskaja śpiavačka Imany. Na kancercie «Viciebsk źbiraje siabroŭ» było niešta nievierahodnaje — usie biełaruskija zorki stajali ŭ prachodzie i ŭ ich biez prablem možna było pra štości zapytacca. Tym časam rasijskija vykanaŭcy adrazu vychodzili na scenu, a paśla źbiahali ŭ hrymiorki.
Videarepartaž z kancertu «Viciebsk źbiraje siabroŭ»:
Kankursanty «Viciebska 2016» pryjemna ŭrazili jak uzroŭniem vakału, tak i mocnymi vystupami. Acanicie sami:
Kali padahulnić usio skazanaje vyšej, to «Słavianski bazar» možna padzialić na dźvie častki: aficyjnyja kancerty i vuličnaje žyćcio.
Praŭda, kab fiestyval byŭ bolš padobny da mižnarodnaha, varta było dadać mapu, na jakoj byli b paznačanyja słavutaści horada, fud-kropki dy miescy, dzie prachodziać hulańni.
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary