Navalny: Słuchaŭ Šaramieta i dumaŭ: «Nibyta razumny mužyk, a takuju łuchtu harodzić». A jon mieŭ racyju
Z Pašam Šaramietam ja bačyŭsia zusim niadaŭna. Jon pryjazdžaŭ na šeście pamiaci Niamcova, potym, praz paru dzion, my viačerali siemjami ŭ kole siabroŭ — u jaho dvoje ŭžo darosłych dziaciej.
Kožny raz, kali ja bačyŭ jaho, my abmiarkoŭvali toje, što pamiž saboj nazyvali «praroctva «Apošniaj vosieni».
U vieraśni 2011 hoda Ženia Čyrykava i Piotr Viarziłaŭ zładzili forum «Apošniaja vosień». Nijakich pratestaŭ tady i blizka nie było, palityka była jašče bolš sumnaj, čym ciapier. Usie abmiarkoŭvali, što rabić z vybarami, i hałoŭnaj padziejaj forumu byli debaty pamiž mnoj, Niamcovym i Kasparavym.
Nu i my z Šaramietam dzieści sieli, jon raspaviadaŭ pra Biełaruś i skazaŭ, što i ŭ nas usio chutka tak budzie. Ja jamu horača piarečyŭ i pryvodziŭ 101 arhumient, čamu Rasieja nie Biełaruś.
— Kraina bolšaja;
— Internet šyrejšy;
— Hrošaj bolš;
— Elita pradažnaja i bolš aryjentavana na Zachad;
— Pucinu vajavać bolš niama z kim (nie z Ukrainaj ža, cha-cha);
— Pa-raniejšamu zachavalisia vialikija niezaležnyja sietkavyja ŚMI i h.d.
Na što Paša sumna piarečyŭ: «Alaksiej, my prykładna toje ž samaje kazali pra našu krainu niekalki hadoŭ tamu. Kuča arhumientaŭ na temu, čamu nielha zładzić aŭtarytarny režym u Jeŭropie ŭ 21 stahodździ. A jon zapanavaŭ. I pabačycie vy ŭ najbližejšy čas, i jak zacisnuć vaš internet, i jak zachopiać bujnyja sietkavyja ŚMI, i jak biznes źbiažyć pad łaŭku, i jak znojdziecca, z kim vajavać, i takuju stupień pradažnaści žurnalistyki, što ŭjavić niemahčyma, i jak pradažnyja prazachodnija elity stanuć samymi patryjatyčnymi, pakidajučy za saboj svaje damy ŭ Ispanii».
Ja słuchaŭ i dumaŭ: byccam razumny mužyk hety Šaramiet, a takuju łuchtu niasie.
Potym, pačynajučy z 2013 hoda, na kožnaj sustrečy pryznavaŭ, što mieŭ racyju jon sa svaim durnym praroctvam. I što jon lepš adčuvaje nutro i tajemnyja dumki byłoha savieckaha namienkłaturnika, u jakoj by krainie toj ni znachodziŭsia: Biełarusi, Rasii ci Ukrainie.
Nu i ŭłada viedała, što jon jaje adčuvaje, i zaŭsiody nie lubiła jaho: Šaramieta sadžali ŭ turmu ŭ Biełarusi, pieraśledavali i zvalniali ŭ Rasii, za im sačyli va Ukrainie.
Pavieł byŭ razumnym i advažnym mužčynam, vydatnym žurnalistam i naohuł dobrym čałaviekam.
Takim jaho i zapomnim.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Kamientary