Bałtyjski cykłon pryniasie ŭ vychodnyja ŭ Biełaruś daždžy i paryvisty viecier, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U subotu nadvorje ŭ krainie abumoviać atmaśfiernyja franty ad cykłonu, što pieramiaščajecca ŭzdoŭž paŭnočna-zachodnich miežaŭ Biełarusi. Časam čakajucca daždžy, miescami navalnicy. Viecier paŭdniova-zachodni, zachodni 5—10 m/s, ranicaj i dniom miescami paryvy da 15—20 m/s. Tempieratura pavietra minimalnaja nočču plus 7—14°S, maksimalnaja dniom plus 11—17°S, pa paŭdniovym uschodzie da plus 20°S.
U niadzielu nadvorje ŭ respublicy budzie vyznačać tyłavaja častka cykłonu, jaki pieramieścicca na Vałahodskuju vobłaść Rasii, pa paŭdniovym zachadzie krainy adabjecca ŭpłyŭ vobłaści pavyšanaha atmaśfiernaha cisku. Pieravažna pa paŭnočna-ŭschodniaj pałovie respubliki karotkačasovyja daždžy, dniom u asobnych rajonach mahčymyja navalnicy. Viecier paŭnočna-zachodni 6—11 m/s, miescami paryvy da 15—20 m/s. Tempieratura pavietra minimalnaja nočču plus 4—9°S, maksimalnaja dniom plus 15—21°S, u paŭnočna-ŭschodnich rajonach plus 12—14°S.
U paniadziełak na terytoryju Biełarusi buduć pastupać pavietranyja masy z Bałtyjskaha mora. Miescami karotkačasovyja daždžy, dniom navalnicy. Viecier niaŭstojlivy 4—9 m/s, pry navalnicach paryvy da 14 m / s. Tempieratura pavietra minimalnaja nočču plus 3—9°S, maksimalnaja dniom plus 16—23°S.
Tolki pačynajučy ź sierady ŭ Biełaruś pačnuć pastupać bolš ciopłyja pavietranyja masy i tempieratura pavietra pavysicca.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty52
Kamientary