Pad Minskam adkryvajecca pieršaja sacyjalnaja dača dla pažyłych invalidaŭ
Pieršaja sacyjalnaja dača dla pažyłych adzinokich invalidaŭ adkryvajecca ŭ červieni pad Minskam, paviedamili ŭ centry sacyjalnaj reabilitacyi dziaciej-invalidaŭ i invalidaŭ «ROSTOK».
Mienavita hety centr, raźmieščany ŭ vioscy Astrašycki Haradok — ŭ malaŭničym kutku la voziera «Viača», budzie akazvać novuju sacyjalnuju pasłuhu. Inavacyjnaja pasłuha raźličana na ludziej stałaha ŭzrostu — adzinokich invalidaŭ sa stalicy. Jany mohuć vybrać dla siabie jak tur vychadnoha dnia, tak i pravieści źmienu (ad adnoj da troch tydniaŭ).
Dla dačnikaŭ praduhledžanaja i adukacyjnaja dziejnaść: udzieł u pracoŭnym desancie (raboty na aharodzie, dohlad ptušak), a taksama praviadzieńnie majstar-kłasaŭ pa rukadzielli dla pastajalcaŭ centra «ROSTOK». «Pakul dla pražyvańnia za nievialikuju płatu my vydzialajem pakoi na 1-2 čałavieki. U dalejšym dla prajekta płanujecca pabudavać 5-6 domikaŭ», — udakładnili ŭ centry. Nazirańnie za pažyłymi invalidami zabiaśpiečyć miedycynski piersanał centra.
Centr «ROSTOK» byŭ adkryty jak adździaleńnie HU «Psichanieŭrałahičny dom-internat dla sastarełych i invalidaŭ №1» u lipieni 2015 hoda z metaj pavyšeńnia jakaści žyćcia dziaciej-invalidaŭ i invalidaŭ sučasnymi mietadami sacyjalnaj, miedycynskaj, fizičnaj reabilitacyi i psichołaha-piedahahičnaj karekcyi, nakiravanaj na intehracyju invalidaŭ u hramadstva. Ažyćciaŭlaje reabilitacyju dziaciej-invalidaŭ 6-18 hadoŭ i maładych invalidaŭ va ŭzroście da 31 hoda. Adnačasova reabilitacyju ŭ centry mohuć prachodzić 120 čałaviek. Nazva centra «ROSTOK» — heta abrevijatura, jakaja rasšyfroŭvajecca jak reabilitacyja, azdaraŭleńnie, sport, tvorčaść, adpačynak i jakaść žyćcia (ras. «rieabilitacija, ozdorovlenije, sport, tvorčiestvo, otdych i kačiestvo žiźni»).
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary