U vydaviectvie «Biełaruskaja encykłapiedyja» vyjšła kniha intervju Zinovija Pryhodziča sa znakavymi postaciami biełaruskaj kultury.
Adna z hutarak — ź Iharam Łučankom, jaje častka pryśviečana palityčnym pohladam kampazitaram. Pryvodzim cikavyja vytrymki:
«Miž inšym, Saviecki Sajuz razvaliŭsia nie sam. Jaho pamahli razvalić. I vielmi mocna pamahli. Ale ja vam skažu adnu reč: amierykanski dołar taksama pavinien ruchnuć. A voś Rasija adrodzicca. Pucin — naš čałaviek. Škada tolki, što vakoł jaho krucicca šmat roznaj drabiazy».
* * *
«Viedajecie, u mianie žyvie ŭstojlivaja paharda da ŭsialakich piarevaratniaŭ, pierabiežčykaŭ, adnym słovam da zdradnikaŭ. Viedaju adnaho byłoha partyjnaha rabotnika, jaki ciapier zrabiŭsia samym vialikim antysavietčykam. Heta albo chvory čałaviek, albo padluha. Bo chiba možna, adsłužyŭšy nie adzin dziasiatak hadoŭ hetaj sistemie, paśla palivać jaje brudam?»
* * *
«Ja vychavany kamsamołam. Leninskim. I ad Lenina nie adrakajusia, jak inšyja. Nie adrakajusia i ad kamunistyčnaj partyi, u jakoj znachodziŭsia nie adzin hod. Ja — kamunist. I zaŭsiody im byŭ. Sapraŭdnym. Partyjny bilet i ŭlikovuju kartku zachoŭvaju da hetaha času».
* * *
«Stalin — nieadnaznačnaja asoba. Ale što dziŭna: z hadami cikavaść i simpatyja da jaho nie źmianšajecca. A zdajecca, navat uzrastaje. Voś zaraz, naprykład, chočuć pierajmienavać Vałhahrad u Stalinhrad. Čamu? Tamu što Stalin pry ŭsich svaich złačynstvach usio ž taki Maskvu adstajaŭ. I krainu taksama».
Kamientary