Dvuchrazovaja alimpijskaja čempijonka i 6-razovaja čempijonka śvietu Kaciaryna Karsten, jakaja 2 červienia adznačyć svoj 44-y dzień naradžeńnia, zavajavała pucioŭku na siomuju Alimpijadu zapar
24 maja na Jeŭrapiejskaj kantynientalnaj kvalifikacyjnaj rehacie ŭ šviejcarskim Lucernie ŭ finalnym zajeździe žanočych adzinočak razyhryvalisia čatyry licenzii na ŭdzieł u letnich Alimpijskich hulniach 2016 hoda. Kaciaryna Karsten zavajavała zapavietnuju pucioŭku, finišavaŭšy na dystancyi 2000 m z trecim vynikam (7 chvilin 25,94 siekundy). Napieradzie tolki novaziełandka Ema Tvih (7: 21.87) i irłandka Sanita Puspure (7: 24.76).
Kaciaryna Karsten atrymała prava pryniać udzieł u Alimpijskich hulniach siomy raz zapar.
Na AH-1992 u Barsiełonie Kaciaryna, jakaja vystupała tady pad dziavočym proźviščam Chadatovič, zavajavała bronzu ŭ składzie ekipaža čaćviorki parnaj, zatym byli miedali ŭ adzinočkach: dva zołaty (Atłanta-1996 i Sidniej-2000), srebra (Afiny-2004) i bronza (Piekin-2008).
Na Hulniach u Łondanie-2012 Kaciaryna Karsten zaniała 5-je miesca, vystupajučy sa złamanymi rebrami.
Kamientary