Uzrovień dabrabytu nasielnictva za apošnija try hady źniziŭsia, biełarusy stali adčuvać siabie biadniejšymi — takija vyniki apytańnia, praviedzienaha Instytutam sacyjałohii Nacyjanalnaj akademii navuk.
Apytańnie, pryśviečanaje acency i analizu finansavaj daśviedčanaści nasielnictva, pravodziłasia ŭ pieršym kvartale 2016 hoda, jaho ŭdzielnikami stali 1.500 čałaviek. Padčas daśledavańnia im prapanavali ŭ tym liku acanić uzrovień svajho dabrabytu.
«Pry supastaŭleńni samaacenak ŭzroŭniu dabrabytu respandentaŭ, a taksama realnaha ŭzroŭniu ich dachodu, atrymanych pavodle vynikaŭ daśledavańniaŭ 2013 i 2016 hadoŭ, vidać, što za apošnija try hady adbyłosia źnižeńnie pa abodvuch pakazčykach, heta značyć materyjalnaje stanovišča nasielnictva pahoršyłasia, što, naturalna, pryviało da taho, što biełarusy stali adčuvać siabie bolš «biednymi», — adznačajuć śpiecyjalisty Instytuta sacyjałohii NANB u vynikovaj spravazdačy.
Biełarusy ŭ cełym nievysoka aceńvajuć svajo materyjalnaje stanovišča. «Amal 60% apytanych nazvali jaho zdavalniajučym. Prykładna kožny čaćviorty respandent ličyć jaho drennym abo vielmi drennym. Dola respandentaŭ, jakija acharaktaryzavali svajo materyjalnaje stanovišča jak dobraje i vielmi dobraje, skłała ŭsiaho 9,4% ad ahulnaj kolkaści biełarusaŭ — udzielnikaŭ daśledavańnia», — havorycca ŭ spravazdačy.
Amal pałova apytanych adznačyli, što ŭ ich siemjach chapaje srodkaŭ na charčavańnie i vopratku, ale pry hetym uźnikajuć ciažkaści z kuplaj tavaraŭ praciahłaha karystańnia. «Nie adčuvaje ciažkaściaŭ z nabyćciom tavaraŭ praciahłaha karystańnia prykładna kožnaja dziasiataja siamja, ale vielmi darahija pakupki dla jaje źjaŭlajucca prablemaj. Krychu bolš za 8% apytanych sutykajucca z prablemaj niedachopu srodkaŭ navat na charčavańnie; materyjalnaje stanovišča hetych siemjaŭ možna nazvać kryzisnym», — kanstatujuć aŭtary daśledavańnia.
Varta adznačyć, što za apošnija try hady dola respandentaŭ, jakija havorać pra niedachop srodkaŭ na charčavańnie, pavialičyłasia. Kali ŭ 2013 hodzie pra heta kazali 4,8% apytanych, to ŭ 2016-m — 8,2%.
Dola tych, chto moža dazvolić sabie darahija rečy i nie adčuvaje finansavych ciažkaściaŭ pry nabyćci tavaraŭ praciahłaha karystańnia, istotna skaraciłasia — z 18,5% u 2013 hodzie da 10,7% u 2016-m.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary