9 hadoŭ tamu źnik Jury Zacharanka

9 hadoŭ tamu — 7 traŭnia 1999 hodu — niepadalok ad svajho domu byŭ hvałtoŭna vykradzieny eks‑ministar unutranych spravaŭ Jury Zacharanka. Pa siońniašni dzień jahony los zastajecca nieviadomym. Nitački pryvatnych raśśledavańniaŭ siabroŭ siamji viaduć da vysokapastaŭlenych biełaruskich čynoŭnikaŭ.

Ušanavać pamiać hienerała ŭ hadavinu jahonaha źniknieńnia planavali žychary Bieraścia. Adnak bieraściejskija ŭłady nie dali zhody na praviadzieńnie pikietu. Svaju admovu jany arhumentujuć ramontam vulicy Savieckaj, dzie chacieli sabracca zajaŭniki pikietu. Było admoŭlena j Śviatłanie Zavadzkaj, jakaja padavała zajaŭku na analahičny pikiet u Miensku.

Pradstaŭnik siamji Zacharanki, pravaabaronca Aleh Voŭčak zaznačaje, što na siońnia pravaachoŭnyja vorhany razhladajuć adrazu try spravy adnosna Juryja Zacharanki. Adnak ni ŭ vodnaj ź ich za hetyja dzieviać hadoŭ nie pastaŭlena kropka.

Pieršaja sprava — kryminalna‑vyšukovaja, jakuju raśśleduje HUUS Mienharvykankamu. Takija spravy nikoli nie pierapyniajucca, a zakryvajucca tolki tady, kali čałaviek abjaŭlajecca.

Druhaja kryminalnaja sprava raspačata prakuraturaj Miensku pa artykule «Zabojstva», jana padoŭžana da 24 červienia. Ale razhladajecca jana čysta farmalna. Śledčy Kucharonak nie paviedamlaje ni svajakam, ni ich pradstaŭnikam, jak prasunułasia śledztva, jakija versii adpracoŭvajucca. Siamja atrymlivaje tolki karotkuju papierku pra toje, što sprava iznoŭ padoŭžana na try miesiacy, ab vynikach budzie paviedamlena dadatkova. Za hetyja dzieviać hadoŭ rodnyja dałučyli da materyjałaŭ spravy ŭsio, što mahli: usie časopisy, usie publikacyi. U aperatyŭnikaŭ i śledčych dosyć infarmacyi, kab vyklikać i dapytać u jakaści padazravanych vysokapastaŭlenych biełaruskich čynoŭnikaŭ.

I treciaja sprava — cyvilnaja ab pryznańni Juryja Zacharanki pamierłym. Hetaja sprava była prypynienaja nibyta ŭ suviazi z tym, što nie razhledžanaja kryminalnaja sprava, tamu sud nia moža vynieści adpaviednaha rašeńnia. Chacia nasamreč adno druhomu nie zaminaje, kažuć pravaabaroncy.

Siamja Jurja Zacharanki apošnija hady žyvie ŭ Niamieččynie — žoncy, dźvium dočkam i ŭnuku hienerała niamieckija ŭłady dali palityčny prytułak. Pakul źnikłaha nie pryznajuć pamierłym, jahonyja blizkija nia mohuć navat pradać kvatery ŭ Miensku.

Ułada prosta baicca pryznać Zacharanku pamierłym, bo heta budzie mieć svaje nastupstvy, kaža Aleh Voŭčak:

Ja dumaju, što tut tolki čysta palityčnyja matyvy, nie jurydyčnyja, bo pavodle luboha zakanadaŭstava, navat mižnarodnaha, kali na praciahu troch hadoŭ čałaviek nidzie nie pajaŭlaŭsia, to sud pavinien pryznać jaho pamierłym. Ale dla našaha sudu hetych troch hadoŭ akazałasia zamała. Maŭlaŭ, viadziecca raśśledavańnie, i jaho mohuć jašče znajści. Choć Hramadzianski kodeks dazvalaje pryznać pamierłym źnikłaha, kali ad jaho nie było infarmacyi ani pa miescy pracy, ani pa miescy žycharstva ci ad inšyx śviedkaŭ. Jaho nie pryznajuć pamierłym, bo hetym samym ŭłady pryznajucca ŭ zabojstvie Juryja Zacharanki. Tady ŭžo dakładna možna budzie patrabavać nadać vulicy jahonaje imia, ustanavić pamiatnuju šyldu ŭ jahony honar. Ź inšaha boku, heta byŭ by taksama šok dla mnohich supracoŭnikaŭ milicyi. Kali Zacharanku abjaviać pamierłym, to budzie zrazumieła, što jon byŭ vykradzieny j źlikvidavany pa palityčnych matyvach.

Akcyi ŭšanavańnia pamiaci Juryja Zacharanki majuć niekalki metaŭ. Najpierš — pryhadać hramadzkaści pra jahonaje źniknieńnie, patrabavać ad uładaŭ realnaha śledztva pa spravach viadomych u Biełarusi ludziej, jakija źnikli, a siarod ich, nahadajem, Jury Zacharanka, Viktar Hančar, Anatol Krasoŭski j žurnalist Źmicier Zavadzki. Pravaabaroncy patrabujuć, kab Biełaruś urešcie ratyfikavała Mižnarodnuju kanvencyju pa abaronie nasielnictva ad hvałtoŭnych źniknieńniaŭ, bo hety dakument daje dadatkovyja harantyi žycharam Biełarusi abarony ad usiemahčymych parušeńniaŭ ich asabistaje svabody j niedatykalnaści.

Pavodle Polskaha radyjo dla zamiežža

• 0
• 0
• 0
• 0
• 0
• 0
• 0
• 0