«Načnyja vaŭki» prybyli ŭ Minsk — aktyvisty BRSM sustrakali ich z kvietkami
Kałona «Načnych vaŭkoŭ» u składzie prykładna 50 matacyklistaŭ pryjechała da Kurhana Cłavy pad Minskam. Da matacykłaŭ byli prymacavanyja ściahi Rasii, SSSR i simvolika «Načnych vaŭkoŭ». Na niekalkich matacykłach bačnyja ściahi Respubliki Biełaruś. Uznačalvaje kałonu Alaksandr Załdastanaŭ — pryjaciel prezidenta Rasiei Uładzimira Pucina i zasnavalnik bajk-kłuba. Sustrakali ich kala dvaccaci aktyvistaŭ BRSM sa ściahami i kvietkami.
Bajkiery ŭskłali kvietki da Kurhana Cłavy i zładzili impravizavany mitynh-rekvijem. Dalej bajkiery płanujuć jechać u miemaryjał u Chatyni.
Pradstaŭniki bajkierskaha kłuba «Načnyja vaŭki» źbirajucca pravieści motaprabieh da Bierlina, ich maršrut lažyć praź Biełaruś. Ranicaj 1 maja jany praviaduć pres-kanfierencyju ŭ Breście ŭ konsulstvie Rasiei. Paśla hetaha jany źbirajucca razam pajechać da pamiežnaha pierachodu «Varšaŭski most». Letaś ich maršrut na hetym i spyniŭsia. Sioleta taksama mohuć uźniknuć ciažkaści, bo Polšča ŭžo abviaściła, što nie źbirajecca prapuskać hetych bajkieraŭ na svaju terytoryju.
Reč u tym, što «Načnyja vaŭki» vyłučajucca radykalna nacyjanalistyčnymi pohladami. Niekatoryja ź ich brali ŭdzieł u šturmavych hrupach u časie zachopu Kryma i častki Danbasa.
Apytanka
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary