Velcom buduje soniečnuju elektrastancyju pamieram z 80 futbolnych paloŭ
Kampanija velcom zapuścić najbujniejšuju ŭ Biełarusi soniečnuju elektrastancyju. Novy prajekt realizujecca pablizu Brahina i moža razhladacca jak prykład udziełu pryvatnaha biznesu ŭ raźvićci terytoryj, paciarpiełych ad Čarnobylskaj katastrofy. Pra heta raspavioŭ hienieralny dyrektar velcom Hielmut Duz na pres-kanfierencyi 28 krasavika ŭ Minsku.
Soniečnaja elektrastancyja pačnie pracavać hetym letam u Brahinskim rajonie. Jana budzie ŭklučać 85 tysiač soniečnych panelaŭ, jakija zajmajuć terytoryju ŭ 56 ha, pamieram z 80 futbolnych paloŭ. Kab źviazać pamiž saboj usie soniečnyja moduli, velcom prakładzie kala 800 km kabielnych linij, što supastaŭna z adlehłaściu ad Minska da Maskvy.
Mahutnaść elektrastancyi składzie rekordnyja dla biełaruskich hielijaŭstanovak 22,3 MVt. Hetaha, naprykład, bolš čym dastatkova dla zabieśpiačeńnia pracy ŭsioj viečarovaj padśvietki Minska.
U budaŭnictva soniečnaj elektrastancyi velcom układzie bolš za 23 młn jeŭra. Akramia samoha soniečnaha parku, kampanija inviestuje ŭ budaŭnictva vysakavoltnaj linii z 23 aporami i transfarmataram na 110 kV. Kampanija razhladaje «zialonuju» enierhietyku jak doŭhaterminovy prajekt na pierśpiektyŭnym rynku i ŭniosak u zachavańnie ekałohii respubliki.
Enierhiju ad stancyi kampanija płanuje pradavać, charaktaryzujučy prajekt jak «kamiercyjny zialony». Dziakujučy soniečnaj enierhii velcom spadziajecca pakryć taksama 50% ułasnych patrebaŭ.
Kankuravać ź dziaržavaj u śfiery enierhietyki kampanija nie maje namieru. «My nie bačym u dziaržavie kankurenta ŭ vytvorčaści elektraenierhii. My partniory», — skazaŭ Hielmut Duz. Pry hetym jon nie vyklučyŭ mahčymaść źjaŭleńnia novych padobnych prajektaŭ i adznačyŭ, što «ŭsio zaležyć ad sonca».
Zapusk soniečnaj elektrastancyi daść mahčymaść pavysić enierhietyčnuju biaśpieku krainy — pierš za ŭsio, źnizić jaje zaležnaść ad pastavak vuhlevadarodnaj syraviny. Usiaho adna hadzina raboty kompleksu moža zekanomić kala 7 tysiač kubamietraŭ pryrodnaha hazu, jaki ciapier Biełaruś u asnoŭnym impartuje. Jašče adna pieravaha — vysokaja ekałahičnaść: soniečnaja elektrastancyja dazvalaje źvieści da minimumu straty, jakija prynosić navakolnamu asiarodździu.
Kampanija płanuje, što soniečnaja stancyja akupicca praz 4—5 hadoŭ. Brahinski rajon dla budaŭnictva byŭ abrany pa pryčynie vialikaj kolkaści soniečnych dzion u Homielskaj vobłaści. Taksama na terytoryjach, paciarpiełych ad vybuchu na Čarnobylskaj AES, ziamlu atrymać nie tak doraha, jak u inšych rajonach krainy.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary