Na Trafalharskaj płoščy ŭ Łondanie adkryli kopiju staražytnaj arki z Palmiry, jakuju razburyli bajeviki hrupoŭki «Isłamskaja dziaržava».
U cyrymonii adkryćcia pryniaŭ udzieł mer Łondana Barys Džonsan.
Arka vyšynioj 6 mietraŭ zroblenaz ź jehipieckaha marmuru. Jana krychu mienš za razburanuju Tryumfalnuju arku Palmiry, jakoj było 2 tysiačy hadoŭ.
Arku ŭznaviŭ Instytut virtualnaj archieałohii z dapamohaj fatahrafij z roznych sajtaŭ i 3D-technałohij. Hetaja arhanizacyja zajmajecca rekanstrukcyjaj pomnikaŭ, źniščanych padčas kanfliktaŭ. Sama arka była vyrazanaja na poŭnačy Italii ŭ Taskanie.
U Łondanie arka prastaić try dni, a zatym pierajedzie ŭ inšyja harady, u tym liku Ńju-Jork i Dubaj.
«Isłamskaja dziaržava» zaniała Palmiru ŭ mai 2015 hoda. Isłamisty razburyli na terytoryi staražytnaha horada šerah zbudavańniaŭ.
Akramia arki byli razburanyja i dva bujnyja chramy, jakim taksama kala 2 tysiač hadoŭ. Ad samoj arki zastalisia tolki dźvie kałony i abłomki, raskidanyja pa ziamli.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary