Na aficyjnym sajcie Ministerstva ŭnutranych spravaŭ źjaviŭsia kamientar adnosna spravy 20-hadovaha žychara Viciebska, jaki byŭ bajcom bataljona «Azoŭ» va Ukrainie.
«U kastryčniku 2013 hady złamyśnik razam z futbolnymi fanatami pad pahrozaj hvałtu prymusiŭ dvuch 13-hadovych padletkaŭ adračysia ad antyfašysckaha ruchu i prademanstravać nacysckaje pryvitańnie. Uvieś praces byŭ źniaty na videakamieru i vykładzieny ŭ internet», — adznačajecca ŭ paviedamleńni.
Suprać jaho zaviedzienaja kryminalnaja sprava pa artykule 339 KK «Chulihanstva», pa hetym artykule chłopcu moža pahražać da 6 hadoŭ turmy.
«Akramia taho, pryznačany ekśpiertyzy nadpisaŭ i malunkaŭ fašysckaj nakiravanaści, raźmieščanych na ciele padślednaha ŭ vyhladzie tatuirovak. Vyniki daśledavańniaŭ buduć pakładzieny ŭ asnovu pravavoj acenki dziejańniaŭ, jakija padpadajuć pad art. 130 KK Biełarusi («Raspalvańnie rasavaj, nacyjanalnaj abo relihijnaj varožaści ci roźni»)», — adznačajecca ŭ paviedamleńni MUS.
Taksama praviarajecca fakt najomnictva na terytoryi zamiežnaj dziaržavy.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary