Staličnyja bajkiery zajaŭlajuć ab masavych kanfiskacyjach matacykłaŭ paśla DTZ z supracoŭnikam DAI
Staličnyja bajkiery zajaŭlajuć ab masavych kanfiskacyjach matacykłaŭ paśla DTZ z supracoŭnikam DAI. Pa ich słovach, masavaja evakuacyja matacykłaŭ na štrafstajanki adbyvajecca pad prystojnaj padstavaj «pravierka numara ramy na sapraŭdnaść».
Takimi paviedamleńniami zastrakacieli supolnaści staličnych matacyklistaŭ paśla DTZ u centry Minska 18 krasavika. Nahadajem, dniom u paniadziełak na skryžavańni Niezaležnaści — Kazłova inśpiektar DAI pasprabavaŭ spynić bajkiera na Suzuki Bandit. Matacyklist kranuŭsia ź miesca, supracoŭnik DAI schapiŭsia za rul bajka, jaho praciahnuła niekalki mietraŭ i tut u ich urezałasia inkasatarskaja mašyna.
Matacyklisty ličać, što DAI abviaściła im vajnu. «Zaŭtra ŭsie dvuchkołavyja buduć stajać na štrafstajancy», — cytuje słovy adnaho z načalnikaŭ DAI adzin z bajkieraŭ.
Jak vyrašyć hetuju situacyju, matacyklisty nie viedajuć. U sacsietkach hučać jak zakliki «rastłumačyć DAI, što nie ŭsie bajkiery drennyja», tak i zakliki zładzić akcyju.
Matacykły zabirajuć nie va ŭsich. Pra heta taksama śviedčać sami bajkiery.
Jaŭhiena spynili ŭviečary kala stancyi mietro «Frunzienskaja».
«Chacieli zabrać na pravierku numaroŭ. Ja im patłumačyŭ, što matacykł kupiŭ 10 dzion tamu, pieršy ŭładalnik, 100 km prabiehu, i niama parušeńniaŭ. Ja adekvatny, jany adekvatnyja — razyšlisia. Napišycie: adbyłosia niešta drennaje. Ale nie treba ŭsich hrebści pad adzin kapył. Davajcie niejak spynimsia!»
Ale šancuje nie ŭsim.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada41
Kamientary