Nacyjanalny historyka-kulturny muziej-zapaviednik «Niaśviž» udastojeny pryza «Jeŭropa Nostra-2016» u katehoryi «Addanaja słužba», paviedamili BiełTA ŭ Ministerstvie kultury Biełarusi.
Žury premii ŭraziłasia manumientalnaj pracaj pa stvareńni muzieja ŭ niadaŭna adnoŭlenym pałacy Radziviłaŭ ŭsiaho za niekalki miesiacaŭ.
«Zdolnaść muzieja padtrymlivać cikavaść hramadskaści i 400 tys. naviedvalnikaŭ štohod taksama zasłuhoŭvajuć uznaharody», — ličać u viadučaj jeŭrapiejskaj arhanizacyi ŭ halinie spadčyny «Jeŭropa Nostra».
Ekspazicyja arsienała ŭ Niaśvižy: šabla z kalekcyi. Fota Siarhieja Mikuleviča, nn.by
Adznačany jak charakterny toj fakt, što muziej znajšoŭ ahulnuju movu z papiarednimi ŭładalnikami pałaca. Umacavańnie ŭzajemarazumieńnia pamiž naščadkami rodu i supracoŭnikami muzieja dazvoliła apošnim atrymać dostup da kalekcyj Radziviłaŭ, tym samym uzmacniajučy ŭražańni naviedvalnikaŭ ad hetaha elehantnaha zamka i paćviardžajučy, što jaho bahataja historyja zachoŭvajecca ŭ adpaviednaści ź jaje kantekstam, ličać jeŭrapiejskija ekśpierty.
Cyrymonija ŭznaharodžańnia adbudziecca 24 maja ŭ teatry «Sarsueła» u Madrydzie. Kala tysiačy čałaviek, u tym liku prafiesijanałaŭ u halinie spadčyny, vałancioraŭ i sponsaraŭ z usioj Jeŭropy, buduć udzielničać u mierapryjemstvie. Pieramožcy pradstaviać svaje dasiahnieńni ranicaj 24 maja na admysłovaj cyrymonii ŭ štab-kvatery Karaleŭskaj škoły architektury ŭ Madrydzie, a taksama paŭdzielničajuć u roznych mierapryjemstvach Jeŭrapiejskaha kanhresa spadčyny ŭ Madrydzie, jaki projdzie 22—27 maja.
Darečy, heta ŭžo druhi vypadak prysudžeńnia ŭznaharody «Jeŭropa Nostra» prajektu ź Biełarusi. U 1993 hodzie hetaha pryza ŭdastojeny Mirski zamak za adnaŭleńnie i restaŭracyju.
Europa Nostra («Jeŭropa Nostra») — ahulnajeŭrapiejskaja fiederacyja arhanizacyj, jakija pracujuć u halinie spadčyny, jakuju padtrymlivaje šyrokaja sietka dziaržaŭnych orhanaŭ, pryvatnych kampanij i fizičnych asob. Stvorana ŭ 1963 hodzie.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary