U štacie Viskonsin na prajmieryz demakrataŭ pieramohu atrymaŭ sienatar ad Viermonta Bierni Sanders. Pa dadzienych CBS News, jon atrymaŭ 53 adsotki hałasoŭ suprać 46 pracentaŭ u byłoha dziaržsakratara Chiłary Klintan.
Siarod respublikancaŭ pieramoh sienatar ad Techasa Ted Kruz. Jon atrymaŭ 53 adsotki hałasoŭ, apiaredziŭšy hałoŭnaha supiernika miljardera Donalda Trampa. Biznesmien zaručyŭsia padtrymkaj 30 adsotkaŭ udzielnikaŭ hałasavańnia. Na trecim miescy hubiernatar Ahajo Džon Kiejsik, za jaho prahałasavali 15 adsotkaŭ.
Pa stanie na aŭtorak, 5 krasavika, favarytam honki na prava vyłučeńnia ŭ prezidenty ZŠA ad demakrataŭ zastajecca Klintan. Jana moža raźličvać na padtrymku 1738 delehataŭ, tady jak Sanders — 1048. Dla harantavanaha vyłučeńnia nieabchodna nabrać 2383 hałasy.
Siarod respublikancaŭ lidziruje Tramp. U jaho 737 hałasoŭ, u Kruza 494, u Kiejsika 143. Dla harantavanaha vyłučeńnia nieabchodna nabrać 1237 hałasoŭ.
U lipieni dźvie asnoŭnyja partyi ZŠA praviaduć Nacyjanalnyja Kanvienty, na jakich buduć abranyja ich kandydaty. Vybary prezidenta projduć 8 listapada.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary