Adbyłosia bolš za 20 vobšukaŭ u kvaterach minskich antyfašystaŭ, dvoje zatrymany
Viadoma, što ŭ izalatary na Akreścina na dadzieny momant znachodzicca Illa Vałavik (na fota) i jašče adzin chłopiec, jaki prosić nie nazyvać svajho imia.
Žonka Vałavika Alena paviedamiła «Našaj Nivie», što da ich u kvateru supracoŭniki HUBAZiK razam SOBRam uvarvalisia a 7:20 ranicy. «My jašče spali, — kaža Alena. – Ludzi byli ŭ kaskach, z aŭtamatami».
Pieratrus źviazany z kryminalnaj spravaj, jakaja zaviedzienaja amal 2 hady tamu.
29 červienia 2014 hoda adbyłasia bojka na prypynku «Univiersam» na vulicy Nieścierava, a paśla nieviadomyja raźbili škło ŭ tralejbusie. Alona kaža, što jaje muža i mnohich znajomych užo dapytvali raniej pa hetaj spravie. Ale ciapier jaje vyrašyli znoŭ adnavić. Sprava zaviedzienaja pa artykule 339 «Chulihanstva».
U kvatery Vałavika zabrali kampjutary, drukavanuju pradukcyju, nalepki, taksama zabrali ŭsio adzieńnie.
Alena ciapier ciažarnaja. Paśla pieratrusu jaje zabrali ŭ balnicu z padazreńniem na vykidyš. Bližejšy tydzień jana praviadzie ŭ špitali.
Illa Vałavik pracavaŭ trenieram. Jon čempijon Biełarusi pa łaŭ-kiku za 2010 hod u vahavaj katehoryi da 66 kiłahramaŭ. Udzielničaŭ u antyfašysckim ruchu, byŭ zaŭziataram futbolnaha kłuba «Partyzan». Vałavika niekalki razoŭ palityčna matyvavana pryciahvali da administracyjnaj adkaznaści. Naprykład, jaho pasadzili na sutki pierad čempijanatam śvietu pa chakiei ŭ Minsku.
Taksama stała viadoma, što pa hetaj samaj kryminalnaj spravie pieratrusy i kanfiskacyi prajšli jašče jak minimum u 20 kvaterach. Pieršapačatkova byli zatrymanyja 4 čałavieki, ale dvuch adpuścili na volu. Druhi zatrymany pakul nie choča, kab afišavałasia jaho imia.
Troje sutak ad momantu zatrymańnia skančvajucca ranicaj u piatnicu. Dalej budzie bačna, ci termin znachodžańnia pad vartaj budzie praciahnuty, ci ich adpuściać.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič44
Kamientary