Experty.by abraŭ najlepšyja albomy, jakija adznačylisia ŭ 2015-m FOTA
Siońnia ŭ minskim kłubie TNT prajšła cyrymonija ŭznaharodžańnia muzykaŭ i hurtoŭ, jakija adznačylisia ŭ minułym hodzie.
Premiju ŭručaŭ sajt Experty.by, kudy ŭvachodziać muzyčnyja ekśpierty — takija jak Źmicier Biezkaravajny, Siarhiej Budkin, Aleh Klimaŭ, Źmicier Padbiarezski, Jahor Cyvilka, Alaksandr Čarnucha i h.d. Premija ŭručajecca štohadova, sioleta jana vośmaja pa liku.
Naminacyi i pieramožcy:
Pieramožcy ŭ pieršych piaci naminacyjach vyznačalisia šlacham hałasavańnia narodnych, štatnych i zamiežnych ekśpiertaŭ, vialikim žury.
U štatnaje žury ŭvachodzili Źmicier Biezkaravajny, Siarhiej Budkin, Jahor Cyvilka, Alaksandr Čarnucha.
Vialikaje žury pradstaŭlali Konrad Jerafiejeŭ (Kyky.org), Taćciana Zamiroŭskaja («BiełHazieta»), Maksim Žbankoŭ (kulturołah), Jaŭhien Karpaŭ (Tut.by), Maša Kaleśnikava («Jeŭraradyjo»), Nadzieja Kudrejka («Radyjo 1»), Illa Malinoŭski («Jeŭraradyjo»), Dźmitryj Padbiarezski («Štodziońnik», «Mastactva»), Viktar Siamaška (pieradača «Krakatuk»), Siarhiej Filimonaŭ («Vidźmo-nievidźmo»), Mikałaj Jankojć (Kyky.org) + 4 štatnyja krytyki Experty.by.
Zamiežnaje žury pradstaŭlali Łaŭrys Anstraŭts (Łatvija, partał Intro.lv), Ludas Zakarevičus (Litva, partał Manomuzika.lt), Jacak Skalimoŭski (Polšča, časopis Newsweek), Dźmitryj Kurkin (Rasija, partał Zvuki.ru), Siarhiej Kiejn (Ukraina, partał Comma. ua).
«Najlepšy debiutny albom» — NABR «Naša aŭtanomnaja bajavaja rakieta»
«Najlepšy indzi-pop/elektronny albom» — «Srebnaje viasielle» «Muzyka — usio!»
«Najlepšy fołk-albom» i «Najlepšy biełaruskamoŭny albom» — Shuma «Žnivo»
«Najlepšy rok-albom» — Re1ikt «Lekavyja travy»
Nastupnyja čatyry naminacyi vyznačalisia žury, adpaviednym naminacyi. U naminacyi razhladajucca poŭnafarmatnyja albomy, u jakich dola biełaruskamoŭnych tvoraŭ składaje nie mienš za 70%.
«Pryz narodnych ekśpiertaŭ» i «Pryz štatnych ekśpiertaŭ» — Re1ikt «Lekavyja travy»
«Pryz zamiežnych ekśpiertaŭ» i «Pryz vialikaha žury» — Shuma «Žnivo»
Albom hoda vyznačaŭsia supolnym hałasavańniem čatyroch žury.
«Albom hoda» — Shuma «Žnivo»
Pasłuchać albom možna tut:
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary