«Aznajamlalna-pačatkovy kurs biełaruskaj movy dla japoncaŭ» vydadzieny u jakaści navučalnaha materyjału ŭ centry zamiežnych moŭ Cukubskaha ŭniviersiteta (Japonija).
«Chacieła b padzialicca z usimi dobraj navinaju:) Narešcie vyjšaŭ z druku padručnik «Sprabujma!: Aznajamlalna-pačatkovy kurs biełaruskaj movy dla japoncaŭ. Častka I», jaki ja sumiesna napisała sa spadaryniaj Taćcianaj Ramzaj (dacent BDU) pad redakcyjaj spadara Tasinobu Usujama (prafiesar Cukubskaha ŭniviersiteta)», —paviedamiła viadomaja mnohim biełarusam Sijory Kijosava.
Padručnik składzieny na asnovie raspracavanych materyjałaŭ pa pradmiecie «Słavianskija movy i kultury», jaki vykładaŭsia na fakultecie humanitarnych navuk Cukubskaha ŭniviersiteta ŭ 2015 h. Padručnik upieršyniu ŭ Japonii padrychtavany ŭ adpaviednaści z novaj redakcyjaj biełaruskaha pravapisu, jaki byŭ pryniaty ŭ 2008 h.
«Uvohule kniha źjaŭlajecca, vidać, pieršym praktyčnym padručnikam pačatkovaha kursa biełaruskaj movy ŭ Japonii, — piša Sijory Kijosava. — Pry vydańni hetaha padručnika nieacennuju dapamohu akazali mnie maje pavažanyja nastaŭniki ź Japonii i Biełarusi: prafiesar Tasinobu Usujama (prafiesar Cukubskaha ŭniviersiteta, redaktar knihi) i spadarynia Taćciana Ramza (dacent BDU, saaŭtar knihi). Chaciełasia b ščyra padziakavać hetym maim pavažanym nastaŭnikam u Japonii i Biełarusi, jakija zaŭsiody padtrymlivajuć mianie ŭ maich pačynańniach. A taksama ja vielmi ŭdziačnaja tym ludziam, sa znajomstva ź jakimi pačałosia majo vyvučeńnie biełaruskaj movy».
«Padručnik atrymaŭ cudoŭnuju nazvu «Sprabujma!». Spadziajusia, što hetaja pieršaja «sproba» vyvučeńnia biełaruskaj movy kožnym zacikaŭlenym japonskim čytačom pieraraście nadalej u hłybokuju cikavaść da kultury, historyi dy inšych raznastajnych pryvabnaściej Biełarusi», — piša japonka Sijory Kijosava.
Čytajcie pra jaje taksama:
«My takija ž zakrytyja, jak i biełarusy» — biełaruskamoŭnaja japonka pra ŭtulny Minsk VIDEA
Kanhres Mižnarodnaj asacyjacyi biełarusistaŭ sastupaŭ pa maštabie i jakaści kovienskamu Kanhresu daśledčykaŭ Biełarusi — repartaž
-
«Na tobie j koš i ryba». 81‑hadovaja Viera zapisała ŭspaminy pra Davyd-Haradok 1950‑ch i zrabiła aŭdyjazapisy darahoj jaje dušy havorki
-
U Minsku na biełaruskaj movie vučycca 1,6% školnikaŭ — žachlivaja statystyka rusifikacyi
-
Jandzy i Dzińpin. U biełaruskaj movie źmianili normy pieradačy kitajskich nazvaŭ — novaje napisańnie dakładniej pieradaje kitajskaje hučańnie
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary